Scolopi

Da Wikipedia, l'ençiclopedia libara.


I 'Scołopì i xe na congregazión clericałe catołica.

L'òrdene clericałe el xe stà fondà da san Giuseppe Calasanzio, ne el 1597 e ne el 1622 el xe stà riconosudo dala Ceza come Ordene dei Chierici Regołari Poveri de ła Mare de Dio dele scołe Pie. El Calasanzio el gà dato vita a n'atività educativa de ispirazión cristiana, ma no confesionałe, verta anca ai ebrei, a i quali no se ghe proponeva ła conversion. La so scoła popołare ed integrałe la jera a maca (gratuita).

El Calasanzio el ghe zonta a i tri voti tradizionali (castità, povertà e obedienza) un quarto voto, quelo de ła particołare atenzión nel'educazión dei tosatèi pitochi. El gà vosù po' ca quest'opera ła fuse atuada sora-de-tuto atraverso el ministero sacerdotałe. L'ordene tut'ora el cura e el dirize el pi vecio colegio de scołe popołari: el Nazareno de Roma, fondà da el stesso Calasanzio.

Ne ła primavera de el 1597, el Calasanzio, membro de ła Confraternita dei Dòdese Apostołi, el gà visità el quartier de Trastevere a Roma e ne ła paròchia de Santa Dorotea el gà verto na scoła parochiałe picenina, i ło gà ispirà ło stato de abandono ed ignoranza dei tosatèi. Quela scoła la xe deventà l'inisio dele scołe Pie. I xòvani ca se gà unìo a elo ne el corso dei anni i gà deciso de emetere voti e de riunirse en comunità. La Ceza la la gà aprovà come Congregazión inte el 1617 e come Ordene co un voto specifico inte el 1622.

El carisma calasanziano el se gà manifestà progresivamente e el xe stà aprovà dala Ceza come na mission educativa cristiana destinà a tosatèi e xòvani, condivisa en una comunità de vita religiosa e svolta da persone consacrà a Dio, de preferenza sacerdoti. L'ordene el xe stà siolto par desiderio dei Xesuiti, en quanto i soi adepti i vegnièa considerà massa sèmplizi ne el so vestir, ma dopo zirca un lustro el xe stà riautorixado da papa Pio IX.

Fino a ła morte, el Calasanzio el gà promoso l'espansion de ła Congregazión e el gà insistìo sempre nele tri carateristiche:

  • darghe priorità a l'educazión fin da l'infanzia,
  • a l'educazión dei pitochi,
  • a l'educazión a ła pietà cristiana.
Controło de autoritàVIAF (EN122537003 · ISNI (EN0000 0001 1483 4020 · LCCN (ENn81085435 · GND (DE1020987-6 · BNF (FRcb12546022w (data) · BNE (ESXX137633 (data) · ULAN (EN500231116 · WorldCat Identities (ENn81-085435
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Scolopi&oldid=1162600"