Schutzstaffel

Schutzstaffel
	(de) SS
	;
Bomò	Meine Ehre heißt Treue (it)
Dati
Sorte	paramiłitare ; Staffel (it) ; organizzazione militare (it)
Canpo de laoro	repressione politica (it) , Zenosìdio, Guera, oppressione (it) e controguerriglia (it)
Ideołozìa pułìtega	nazismo
Istoria
El renpiasa a	Bayerischer Heimatschutz (de) ; Stoßtrupp Adolf Hitler (en)
Creasion	4 de apriłe del 1925
Desołusion	8 de majo del 1945
Atività
Menbri	800 000 (1944)
Governo d'impresa
Presidènsa	Reichsführer-SS
Zestor/diretor	Julius Schreck (it) (1925–1926) ; Joseph Berchtold (it) (1926–1927) ; Erhard Heiden (it) (1927–1929) ; Heinrich Himmler (it) (1929–1945) ; Karl Hanke (it) (1945–1945)
Personałità rełevante	Heinrich Himmler (it) ; Josef Mengele (it) ; Reinhard Heydrich (it) ; Rudolf Höß
Òrgano de stanpa	Das Schwarze Korps (it)
Filiałi	Allgemeine-SS (it) ; Ordnungspolizei (it) ; SS-Verfügungstruppe (it) ; Waffen-SS (it) ; Sicherheitsdienst (it) ; SS-Totenkopfverbände (it) ; Sicherheitspolizei (it) ; SS-Ärztliche Akademie (en)
Formà da	SS-Hauptamt (it)
	Pozision

Le Schutzstaffel o SS (pronunsa /ˈʃʊtsˌʃtafəl/

scolta (?·i)

letaralmente «scuadre de protesion» o «scuadre de salvaguàrdia»), i zera na organizasion paramiłitare del Partio Nasionalsociałista Todesco (NSDAP) creae inte ła Zermània nazista che, col s-ciopo de ła Seconda guera mondiałe, łe ghea tacà oparare in tuta l'Eoropa ocupada dai todeschi.

El nùcleo de l'organizasion el zera nasesto a Mònaco co nome de Saal-Schutz, e ła zera formada da vołontari del NSDAP doparà cofà servìsio de seguresa inte el ndar de łe reunion de partio a Monaco. Inte el 1925, Heinrich Himmler el se ghea unio a l'unità, che inte el contenpo ła zera stada reformada e ła gaveva asumesto el so nome definitivo. Soto de ła so diresion (dal 1929 al 1945) ła zera cresesta da na picenina formasion paramiłitare a una de łe organizasion pì potenti de ła Zermània nazista. Dal 1929 finmente al croło del rezime inte el 1945, łe SS łe zera stae ła prinsipałe organizasion de seguresa, supervizion e controło inte l'interior de ła Zermània e de l'Eoropa ocupada.

I du prinsipałi grupi costitutivi łe zera łe Allgemeine-SS ("SS zenerałi") e Waffen-SS ("SS conbatenti"); łe Allgemeine łe zera responsàbiłi de l'atuasion de ła pułìtega rasiałe de ła Zermània nazista e de ła represion pułìtega, mentre che łe Waffen-SS łe constava in unità de conbatimento inte l'interior de l'ezèrsito nazista. Un terso conponente formativo de łe SS, l'SS-Totenkopfverbände (SS-TV), łe zestiva i canpi de consentramento e de stermìnio. Altre sudivizion de łe SS łe includea ła Gestapo e ła Sicherheitsdienst (SD), branche połisiesche incargae soratuto de conbàtare i opozitori efetivi, potensiałi o presumesti del stato nazista, de neutrałizar ogni opozision, de téndar el pòpoło todesco inpedindo in Zermània e inte i teritori ocupai el spandimento de calsìase forma de rezistensa, e de portar dati de intelligence ai vèrtazi pułìteghi e miłitari.

Le SS łe zera l'organizasion diretamente inplicada inte l'organizar e réndar oparativo ogni parte de l'Olocàusto, in cołaborasion co ła Wehrmacht, gràsie a ła cuała i zera stai copai intrà łe 15 e łe 17 milioni de persone, intrà sti cuà 6 milioni de ebrei. I menbri de tute łe so fiłiałi i se ga fazesto responsàbiłi de crìmeni de guera e crìmeni contro de l'umanità inte el ndar de del secondo conflito mondiałe, ma anca partesipare ativamente al despojamento dei beni de łe vìteme de l'Olocàusto, e al sfrutamento s-ciavìstego dei prezonieri dei canpi de consentramento. Dopo de ła sconfizesta de ła Zermània nazista, łe SS e el NSDAP i zera stai zudegai dal Tribunałe Miłitare Internasionałe de Norinberga cofà organizasion crimenałi; Ernst Kaltenbrunner, el cao supremo de łe SS supèrstiti, el ze sta reconosesto colpévoło de crìmeni contro de l'umanità inte el ndar dei procedimenti de Norinberga e inpicà inte el 1946, mentre Himmler el zera moresto suicida poco dopo de ła catura da parte de l'ezèrsito britànego.

Notasion

Altri projeti

Wikimedia Commons el detien imàjini o altri file so Schutzstaffel
Scholia el detien schemi gràfeghi so Schutzstaffel

Linganbi foresti

SSTreccani.it – Enciclopedie on line, Istituto de ła Ençiclopedia Italiana.
SS, in Disionàrio de istòria, Istituto de ła Ençiclopedia Italiana, 2010.
(EN) SSEnçiclopedia Britannica, Encyclopædia Britannica, Inc.
(EN) Opere riguardanti SchutzstaffelOpen Library, Internet Archive.

Controło de autorità	VIAF (EN) 136527269 · ISNI (EN) 0000 0001 1520 3458 · LCCN (EN) n79112414 · GND (DE) 2021498-4 · BNF (FR) cb123213682 (data) · BNE (ES) XX258672 (data) · NLA (EN) 36556661 · WorldCat Identities (EN) n79-112414