Sant'Elena (Venesia)

Sant'Elena xe un quartier del centro storico de Venexia e el xe ła parte pì oriental dea cità. Fa parte de Casteo ma ła numerassion no segue quea del resto del sestier e ła xe indipendente par ciascuna całe. Co eo stesso nome se indica anca l'isoła (in realtà e xe do) dove che ghe xe el soborgo.

Carateristiche

El toponimo na volta se limitava a l'isołoto dove ghe xe ła cesa de Sant'Elena, che da secołi custodisse łe reliquie de ła santa, mare de Costantin. Sto posto sacro, co l'anesso convento dei Agostiniani, el ghe xe sta' sin ałe sopression napoleoniche e el xe deventà in seguito un magazzin (1810).

Gran parte de ła zona ła xe parò de origine recente, visto che ła xe sorta attorno ai ani vinti del XX secoło bonificando una sacca usada par adestramenti miłitari e che gà ciapà inte el tessuto urban l'isola de Sant'Elena, prima de ałora staccada e completamente circondada da ła laguna. El toponimo el xe sta' cossì esteso al moderno quartier residensial che el xe nato poco dopo. L'urbanisassion ła gà porta anca ała riconsacrassion de ła cesa, da ałora affidada ai Servi de Maria.

L'isoła comprende anca ło stadio "Pierluigi Penzo"(el pì vecio stadio itałian oncora ativo inaugurà inte el 1913, dove el Calcio Venexia zoga łe partie casałinghe), parte dei giardini publici, na darsena e ła scuola navale militare "Francesco Morosini".