Sadhguru

El ga fondà ła Isha Foundation, na organizasion no-profit che ła ofre programi yoga par el mondo, includendo l'India, i Stadi Unìi, el Renjo Unìo, el Łibano, Singapore, el Canada, ła Malaysia, Uganda, ła Sina, el Nepal, e l'Austrałia. Ła fondasion ła ze anca coinvolzesta in varie atività de zviłupo sosiałe e comunidario, łe cuałe łe ga otenjesto a ła fondasion un spesiałe status consultativo co'l Consejo sosiałe ed Econòmego de łe Nasion Unìe. El 25 de zenaro 2017, el ga resevesto da'l goerno indian el premio Padma Vibhushan par el só contributo revardo a ła spirituałità.

Biografia

Nasésto a Mysore, inte'l stado de'l Karnataka, marti 3 de setenbre 1957, só fio de Susheela e de'l Dr. Vasudev, Jagadish el ze el pì ceo de cuatro fradełi – do masci e do fèmene. Só pare el zera un oftalmołogo che'l łaorar a łe ferovie indiane: ła só famegia ła gera, donca, abituada a viazar speso. A l'età de 12 ani el ze entrà in contato co Malladihalli Sri Raghavendra Swamiji: el ze stà propio 'st'ùtlemo a insenjarghe de łe senplisi tècneghe de yoga āsana, pràtega che'l ga mantenjùo regołarmente. Jaggi Vasudev aferma che "Sensa intaronper njanca un zorno, 'sta senplise pràtega yoga che ghe ze stà insenjà de mantenjer, ła ło ga portà a na conosensa pì fonda."

Dopo èsar stà istruìo a ła Demonstration School, Mysore inte'l 1973, el se ga łaureà inte l'Univarsidà de Mysore co na łaurea trienałe in łetaradùra ingleze. Durante 'sti ani de univarsidà , el ga zviłupà un intarese inte i confronti dei viazi e de łe motosiclete. Un frecuente ponto de ritrovo par łu e par i só amighi A ze stà Chamundi Hill, visin a Mysore, indove speso i se riuniva par intraprendar guide noturne. El ga vizità, in zonta, arcuanti łoghi de'l paeze co ła só motosicleta. 'Sta espariensa ghe ze stà ùtiłe par "vadanjar in presa calche scheo", e par poder senplisemente guidar dapartuto ła zente no ła podese fermarlo. 'Sta espariensa ło ga menà a vèrzar diverse inpreze de suceso daspò ła łaurea, conpreze na fatoria de połame, na foranza e na inpreza ediłe.

Esperiensa spirituałe

Co'l gaveva 25 ani, el 23 de setenbre 1982, Jaggi Vasudev ga guidà fin a Chamundi Hill, indove el se ga sentà so na croda so ła cuała el ga avesto na espariensa spirituałe: "Fin a chel momento de ła me vita, A go senpre pensà: 'st'altro A son mi' e che calcun altro el ze calcos'altro. Ma par ła prima volta no saveva pì cosa che fuse 'mi' e cosa che no'l ło fuse. Tuto d'un colpo, ciò che jero A zera senplisemente dapartuto. Ła stesa croda so ła cuała A zera sentà, l'aria che respirava, ła stesa atmosfera datorno a mi: A zero 'pena sciopà in onji cosa. El che sona cofà un asołuto matéso. A go pensà che 'sta espariensa ła fuse durada dai dièze ai cuìndeze menuti, ma, dopo èsar tornà a ła me normałe consapevołesa, A zera stà sentà łì par cuatro ore e meza, pienamente cosiente, co òci verti, ma el tenpo el zera senplisemente roversà". Sìe setimana drìoman a 'sta espariensa, , el ga łasà ła só atività a un só amigo e el ga viazà a łongo inte'l tentadivo de capir ła só espariens mìstega. Daspò un ano de meditasion e viazi, Jaggi Vasudev el ga desidesto de insenjar yoga par condividar łe só espariensa intariori.

Inte'l 1983, inte ła sità de Mysore, el ga tenjesto ła só prima łesion de yoga, frecuentada da sete partesipanti. Co'l pasar de'l tenpo, el ga tacà tenjer łesion de yoga traverso el Karnataka e Hyderabad, viazando da na destinasion a l'altra in seła a ła só motosicleta. El se ga mantenjesto grasie a a rendita de ła só dita vinicoła, refudando de èsar pagà par łe łesion. Na so costumansa ła zera cueła de donar a un ente de benefisensa łocałe łe eventuałe oferte rancuràe l'ùltemo zorno de łesion. So 'sto schema de baze drìoman A ze stà costruìe łe clase de Yoga de ła Isha.

Dhyanalinga

Statua de'l toro Nandi inte'l Isha Yoga Center.

Inte'l 1994 Sadhguru el ga conduzesto el primo programa inte i łocałi de'l novo sentro yoga Isha, durante el cuało el ga descrivesto el Dhyanalinga. El Dhyanalinga el ze un tenpio de'l yoga e un spasio par ła meditasion, ła cui consacrasion ła zera ła mision che Sadhuguru el ga dichiarà èsarghe stà afidà da'l só guru. Inte'l 1996, l'edifisio in piera łigena el ze stà ordenà e el ze rivà a l'ashram. Dopo tre ani de łaoro, el Dhyanalinga el ze stà conpletà el 23 de zunjo 1999 e verto al pùblego el 23 de novenbre.

El Dhyanalinga el ofre un spasio meditativo che no'l inplega nesun sistema de fede o credensa. Na cùboła de 23 metri, costruìa co matoni e malta de paltan stabiłizà sensa asal o cemento, el coverze el sancta sanctorum. El lingam el ze de 4 metri in granìo nero. El Sarva Dharma Sthamba, che'l se cata a l'ingreso davanti, funsion cofà na icona de ła singołarità, co i rełievi scultorei e i sìnbołi de l'Induizmo, Izlam, Cristianèzemo, Sikhizmo, Giainizmo, Taoizmo, Zoroastrizmo, Ebraizmo, Budizmo e Shintoizmo inscrivesti cofà benvenjùo univarsałe.

Ła morte de Vijji, só mujer

Só mujer de Jaggi Vasuded ła ze moresta el 23 de zenaro 1997. Inte'l só łibro "Mystic Musings" Jaggi Vasudev sostien che Viji ga tołesto Mahasamadhi (łasar vołontariamente el propio corpo par fonderse co'l divin) e che cueło el ze stà un zorno de bon auspisio par na cosa de'l zènare.

"El 23 de zenaro, 'sto amaso de pianeti insentrà so'l primo grado de l'acuario, unìi dal sołe co ła łuna piena contario a tuti. 'Sto modeło el pol anca èsar vedesto cofà na raprezentasion sinbòłega de l' "alba de l'età de l'acuario". El ze anca el thaipoosam, un zorno che tanti altri savi i gaveva sełiesto par el só Mahasamadhi."

Premi

• Padma Vibhushan (2017)

Publegasion

Jaggi Vasudev el ze l'autor de diversi łibri, conprezo Inner Engineering: A Yogi's Guide to Joy, el cuało el ze entrà inte'l Washington Post e inte ła łista best seller de'l New York Times in varie categorie. El tour del łibro in Nord America el ga includesto 17 sità, e ai eventi de łanso ga partesipà sìrca 26.000 persone. Ła rivista Huffington Post ła descrive i łibri come "pieni de strumenti pràteghi par inisiar el viazo de ła trasformasion-de-sé-stesi".

Ingleze

• Adiyogi: The Source of Yoga, ISBN 9352643925
• Inner Engineering: A Yogi's Guide to Joy, ISBN 0-8129-9780-8, 9780812997804
• Three Truths of Well Being, ISBN 978-0-14-342138-2
• Encounter the Enlightened, ISBN 81-86685-60-X
• Mystic's Musings, ISBN 81-86685-59-6
• Joy 24x7, ISBN 978-81-7992-914-8
• Pebbles of Wisdom, ISBN 978-81-7992-952-0
• The Mystic Eye, ISBN 81-7992-883-7
• Essential Wisdom from a Spiritual Master, ISBN 81-7992-882-9
• Flowers on the Path, ISBN 81-87910-05-4
• Himalayan Lust, ISBN 978-81-8495-076-2
• Eternal Echoes: The Sacred Sounds Through the Mystic, ISBN 81-87910-02-X
• Dhyanalinga: The Silent Revolution, ISBN 81-87910-00-3
• Dhyanalinga: The Eternal Form
• Circus of The Mind, ISBN 81-87910-10-0
• Unleashing The Mind, ISBN 81-87910-08-9
• Good And Bad Divides The World, ISBN 81-87910-07-0
• Enlightenment: What It Is, ISBN 81-87910-06-2
• Sacred Space For Self-transformation, ISBN 81-87910-09-7
• Ancient Technology For The Modern Mind, ISBN 81-87910-11-9
• Three Truths of Well Being, ISBN 978-0-670-08706-8
• Midnights with the Mystic, ISBN 978-1-57174-561-3
• A Guru Always takes you for a Ride, ISBN 978-81-87910-53-4
• Ancient Technology For The Modern Mind, ISBN 978-81-87910-11-4
• Don't Polish Your Ignorance....it may shine, ISBN 978-81-8495-200-1
• Of Mystics & Mistakes, ISBN 978-81-8495-308-4
• Body - The Greatest Gadget/Mind Is Your Business, ISBN 978-93-5083-360-5
• Emotion The Juice Of Life : Compulsiveness To Consciousness, ISBN 978-93-5083-362-9
• Encounter the Enlightened, ISBN 978-81-86685-60-0
• Sadhguru Biography-More Than A Life, ISBN 978-0-670-08512-5
• Why Suffering
• Inner Management: In the Presence of the Master
• Isha Living
• Sexuality And Divine
• You
• SG Convex View book
• The sacred India Book
• Shiva Ultimate Outlaw