Roland Corporation

Roland Corporation
	;
Dati
Sorte	azienda ; musical instrument manufacturing company (en)
Indùstria	industria del software (it) e costrutor de strumenti muzicałi
Forma zurìdega	kabushiki gaisha (it)
Istòria
Creasion	18 de apriłe del 1972 , Osaka (it)
Fondador	Ikutaro Kakehashi (en)
Atività
Prodoto	elettrofoni analogici (it) e Roland V-Accordion (en)
Menbro de	SD Association (en)
Governo d'impresa
Inpiegai	3 060 (2013)
Filiałi	Boss Corporation
Sito web	roland.com
	Pozision

Ła Roland Corporation (ローランド株式会社 , Rōrando Kabushiki Kaisha) ła ze un grupo sosietario japoneze controłante Roland MI e Roland DG. Da'l 2005 ła sede ła se ga spostà ad Hamamatsu inte ła prefetura de Shizuoka. Ła ga fàbreghe in Japon, USA, Itałia, e Taiwan. Ła zera stà fondà a Osaka inte'l 1972 da Ikutaro Kakehashi come zxienda produtora de software, conponenti e strumenti muzegałi ełetròneghi, e ła ze ^[quando?]

prezente co oltra 60 paezi co 2.000 dependenti e un faturà consołidà de sirca 550 miłion de euro. El grupo el ze formà da ła Roland DG e da ła Roland MI (che ła sta par musical instruments).

Storia

Ła Roland ła ze stà fondà co un nome ocidentałe in cuanto Ikutaro Kakehashi el gavea sentìo che el nome de ła só azienda presedente, ła Ace Electronic Industries Inc., el zera de frente strupià inte ła pronunsia e par sta razon el ga sercà un nome che'l sonase ben e che el podese èsar pronunsià istesamente in onjun dei mazori marcà de export. El ga catà el nome Roland inte l'ełenco tełefònego, sercando un nome che'l sonase meregan tra cuełi de ła łétara "R" parchè nisun altro nome de caze de produsion de strumenti muzegałi ełetròneghi el scomensava co sta łétara.

Ła Roland ła mete in comersio i propi prodoti soto diverse soto-marche, onjuna de łe cuałe ła ze orientada verso na utensa diversa. Ła Boss Corporation ła ze na marca doparada par prodoti indirisà ai amadori e profesionisti de ła ghitara, doparada par pedałi da chitara, unidà par efeti sonori, machine par conpanjamenti e ritmo, e par achipajamento de rezistrasion portatiłe. I prodoti Edirol i ze orientà verso ła produsion muzegałe, e i include programi par ła creasion audio, mixers, altoparlanti e sistemi video. Rodgers Instruments, fondada inte'l 1958 come na conpanjìa par organi ła soravive fin deso come susidiaria de ła Roland, oncora produzendo organi ełètreghi, ełetròneghi e a cane.

Ła Roland DG ła ze na azienda spesiałizada inte ła produsion de parifereghe par ła comunegasion viziva cofà plotter par el tajo viniłe, plotter a geto de ingiòstro par ła stanpa de gran formado, insizori, freze da modełasion e scanner tridimensionałi. I só prodoti i ze sparpanjài inte łe stanparìe, sentri stanpa, service, cartełonisti, studi gràfeghi, serigrafi, stanpadori, insizori, scołe, academie, negosi de gadget e sentri copia. I stabiłimenti produtivi de ła Roland DG Corporation i se cata ad Hamamatsu e i se baza so sistemi de produsion ad izoła ciamài yatai. Ła Roland DG ła ze prexente inte'l marcà itałian fin da'l 1987, co l'obietivo de fornirghe prodoti orientài ai operadori inte'l mondo de ła gràfega, de l'insizion e de ła modełasion 3D. Ła sede prinsipałe de Roland DG Mid Europe ła ze ad Acquaviva Picena. Inte łe varie sedi A ze disponìbiłi dei demo center, che i parmete de provar l'intiera gama de prodoti, ła strutura de aprendimento interativo Roland DG Academy e'l Creative Center, indove vien esponesti dei prodoti reałizabiłi co łe parifereghe Roland.

Prodoti

Altri projeti

Wikimedia Commons el detien imàjini o altri file so Roland Corporation
Scholia el detien schemi gràfeghi so Roland Corporation

Linganbi foresti

Sito ufisałeroland.com.

Controło de autorità	VIAF (EN) 258509945 · NDL (EN, JA) 00839243 · WorldCat Identities (EN) 258509945