Regno del Portogało

Regno del Portogało

Reino de Portugal (pt)
Ino	Hino da Carta (1834)
Pozision
38°42′N 9°11′W38°42′N, 9°11′W
Continente	Eoropa
Capitałe	Guimarães (it) (–1143)   Coinvra (1143–1256)   Łisbóna (1256–1808)   Rio de Janeiro (1808–1822)   Łisbóna (1822–)
Popołasion
Totałe	400 000 (1139)
Caze abitae	287 770 (seculo XVI)
Idioma	portoghezo
Zeografia
Parte de	Regno Unio de Portogało, Braziłe e Algarves
Rente a	Regno de Casteja e Leon   Regno de Spagna (1700-1808)
Dati istòreghi
Desolvimento	5 de otobre del 1910
Avegnimento ciave	Asèdio de Lisbona conquista di Ceuta (it) (21 de agosto del 1415) re portoghesi della dinastia di Borgogna (it)
Prima mesion documentada	Almohadi, Regno Unio de Portogało, Braziłe e Algarves e Contado Portocałense
Organizasion pułìtega
Forma de goerno	monarchìa asołuta, monarchia costitusionałe, monarchìa asołuta e monarchia costitusionałe
Monarca del Portogallo (it)	sovrani del Portogallo (it)
Economia
Moneda	dinheiro portogheze
Istòrego
← Almohadi Regno Unio de Portogało, Braziłe e Algarves (1822) Contado Portocałense (1139) Prima repubblica portoghese (it) (1910) Portogało (1910) Regno Unio de Portogało, Braziłe e Algarves (1815) →

El Regno del Portogało ła ze sta na monarchia piasada inte ła Penìzoła ibèrega, ciapando drento a l'insirca el teritòrio de l'atuałe Portogało, e el ze esistio in du faze, che łe va dal 1139 al 1815 e dal 1825 al 1910.

Istòrego

Inte el 1139, Alfonso Henriques, dopo de na vitòria sui Mori, el ghea scumisià considerarse rè del Portogało, e inte el 1140 el ghea invadesto ła Galìsia. Alfonso VII de Casteja, a Valdevez, el ghea proponesto na trègua, che ła ze sta dopo acetada e inte el 1143, a Zamora, ła ze sta concordada ła paze, e davanti al ligà del papa Inocenso II, in cànbio de ła segnoria de Astorga, Alfonso VII el ghea reconosesto a so cuzin, Alfonso Henriques, el tìtuło de re del Portogało, devegnendo cusita Alfonso I del Portogało.

Inte el 1189 Sancho I el ghe ga robà ai Mori i teritori de ła sità de Silves, e co ste concuiste el ga creà el Regno de l'Algarve, che el zera sta, in magnera formałe, in union personałe col Portogało finmente al 1815. Tutavia, poco dopo, i Mori i se ghea inpropià de novo de l'Algarve, devegnendo definitivamente reconcuistà, dopo ani, solché inte el 1249.

I portoghezi i ghea fato grande concuiste cołoniałi intrà ła fin del XV e el scumìsio del XVI secoło, creando cusita l'Inpero cołoniałe portogheze.

Intrà el 1581 e el 1640, soto de ła dinastia asbùrzega, el regno el ze sta in union personałe co łe corone de Aragona e de Casteja, costituindo ła denomenada Union Ibèrega. L'Union ła ghea trabałà finmente rivar a desòlvarse co che ła nobiltà portogheze ła se gavea oponesto a łe pułìteghe sentrałiste del vàłido Olivares, ełezendo cofà so rè Joani IV de Bragansa, in opozision a Fiłipo III de Asburgo, fazendo partir ła Guera de Restaurasion Portogheze, che ła se ghea sarà solché inte el 1668 col Tratà de Lisbona, el cuało el ghea reconosesto l'indipendensa del Portogało.

Inte el 1808, de sevente de l'invazion napołeònega, ła corte ła zera stada spostada, col juto del Regno Unio de Gran Bretagna e Irlanda, in Braziłe, a Rio de Janeiro, andove el zera sta in bando forsà finmente al Congreso de Viena, inte el ndar del cuało ła cołònia del Braziłe ła zera stada mudada inte el Regno del Braziłe, che el 16 de disenbre 1815 el ze sta unio a łe corone de Portogało e de Algarve, formando cusita el Regno Unio de Portogało, Braziłe e Algarve. St'ùltema entità statałe ła se ghea estinguesto inte el 29 de agosto 1825, col Tratà de Rio de Janeiro, che el ghea sancio ła recostitusion del Regno del Portogało e l'indipendensa de l'Inpero del Braziłe.

El regno zera fìnio definitivamente el 5 de otobre del 1910 cuando che, co un colpo de stato revołusionàrio a Lisbona, el zera sta deponesto re Manuełe II e el Regno el zera devegnesto ufisalmente trasformà inte ła Repùblega portogheze.

Altri projeti

• el detien schemi gràfeghi so