Rascona
La rascona gera na inbarcasión da strapòrto tìpega de ła laguna de Venesia, ancùo non più utiłixàda.
De grande dimensión (la longhésa mèdia xera de 28 metri par na larghésa de 6,5 metri), gera caraterixà da na forma a mexałuna e fondo piàto[1] co un pescàr derivàbiłe dai 35 centimetri a vòdo a poco più de un metro e mexo a pien cargo.
La pròva e ła pòpa tute do a pónta verticàl dal profiło tondà, gera un mucio èrte rispèto al peło de ł'aqua, rivando fin a quatro metri e mexo. A segónda de łe dimensión, la portàda xera conprexa infra łe 15 e łe 120 tonełàe.
La propulsion gera a veła, co do albòri abatìbiłi e vełatura al terso, opùr a traìno co cavałi inte i tràti fluviałi atresà.
La manùvra gera controłàda tramite do masìmi timóni lateràni da ła forma a véntoło[2] e de longhesa conprexa intra i sìe e i diéxe metri.
I timóni se trovava a pòpa e vegniva governài da un singoło marinér. Gera indotàda a pòpa de na gabìna dal covèrto a forma sircołàr, adibìa ad alòxo par l'equipagio. La stiva gera proteta da łe intenperìe da un inbògio de tełe insieràe e stiòre (el tierno) fisàda so na apoxita strutura mobiłe in legno. L'inbarcasión gera stàda utiłixàda par el traspòrto de marcansìe fin a ła metà de ł'Otosento par po' cascàr e fenìr in disuxo patòco.
Note
[canbia | canbia el còdaxe]- Dexegno de ła rascona da veniceboats.com
- Descrisión de ła rascona da veniceboats.com