Pupà Nadałe

Pupà Nadałe^[1] (dito anca "Popà Nadałe", "Pare Nadałe" o co łe variante sensa "E" finałe) el ze na fegura prezente in tante culture che ła distribuise i regałi a i tozatełi, de sòłito ła sera de ła viziłia de Nadałe. Pupà Nadałe el ze na fegura inportante de ła tradision nadałisia de ła siviltà osidentałe, oltra che in Amèrega, in Japon e in altre parte de l'Azia oriental.

Orìzene

Tute le version del Pupà Nadałe de deso, ciamà Santa Claus inte i paezi anglòfoni, łe vien sora de tuto dal steso parsonajo stòrego: San Nicoła, véscovo de Myra (oncò Demre, sità situada inte ła Turchìa de deso), del cuałe par ezenpio A se dize che el ga catà e reportà in vita sincue bocia, rapìi e copài da un osto, e che par cuesto el jera considerà el protetor de i bocia. L'apeładivo Santa Claus el vien fora da Sinterklaas, nome ołandeze de San Nicoła.

Caza de Pupà Nadałe

Ła caza tradisionałe de Pupà Nadałe ła canbia drio łe tradision. Inte i Stati Unii A se pensa che l'àbite al Poło Nord (situà par l'ocazion in Alaska) ma in Cànada el só łaboratorio el ze indegà inte el Nord del paeze; in Europa ła ze pì difondesta ła version finlandeze che ła ło còłoca inte un viłajo rente a ła ben pì granda sità finlandeze de Rovaniemi, in Łaponia, ezatamente inte el Sìrcoło Połare Àrtego.

Note

Controło de autorità	VIAF (EN) 315189402 · ISNI (EN) 0000 0000 3517 4503 · El vałore LO1V335656 de SBN no el xe mija bon. · LCCN (EN) no2015039717 · GND (DE) 4322773-9 · BNF (FR) cb12005470x (data) · BNE (ES) XX3605393 (data) · NLA (EN) 62220239 · NDL (EN, JA) 001123057 · WorldCat Identities (EN) no2015-039717

↑ El tèrmene babbo, de derivasion ciaramente toscana, anca se'l ze pì conosesto a łiveło itałian no'l cata direta corespondensa in chełe altre łengue - mìa sol che neołatine - dove che A se cata i corispetivi de "pupà" o "pare" (Father Christmas, Père Noël, Papá Noel, Papai Noel...); A se consìdare anca che A ze del 1932 el carton Papà Natale de ła Walt Disney. Par 'ste razon in Veneto A ze da preferir na tradusion pì in łinea co ła majoransa de łe altre łengue.

[1] El tèrmene babbo, de derivasion ciaramente toscana, anca se'l ze pì conosesto a łiveło itałian no'l cata direta corespondensa in chełe altre łengue - mìa sol che neołatine - dove che A se cata i corispetivi de "pupà" o "pare" (Father Christmas, Père Noël, Papá Noel, Papai Noel...); A se consìdare anca che A ze del 1932 el carton Papà Natale de ła Walt Disney. Par 'ste razon in Veneto A ze da preferir na tradusion pì in łinea co ła majoransa de łe altre łengue.

[1]