Programa Apollo

	Programa Apollo
Stato orizenàrio	Stati Unii de l'Amèrica
Organizasion	NASA
Fini	lunajo
Status	Finałizà
Història del programa
Durada	1961 — 1972
Primo voło no ecuipajà	27 de otobre del 1961 (SA-1 (it) )
Primo voło ecuipajà	11 de otobre del 1968 (Apollo 7 (it) )
Últemo voło	19 de disenbre del 1972 (Apollo 17 (it) )
Mision	Apollo 1 (it) ; Apollo 4 (it) ; Apollo 5 (it) ; Apollo 6 (it) ; Apollo 7 (it) ; Apollo 8 (it) ; Apollo 9 (it) ; Apollo 10 (it) ; Apollo 11; Apollo 12 (it) ; Apollo 13 (it) ; Apollo 14 (it) ; Apollo 15 (it) ; Apollo 16 (it) ; Apollo 17 (it)
Boni èziti	32
Fałimenti	2
Liogo de lansamento	John F. Kennedy Space Center (it) ; White Sands Missile Range (en) ; Cape Canaveral Air Force Station Launch Complex 34 (it)
Informasion dei veìcułi
Veìcuło ecuipajo	modulo di comando e servizio Apollo (it) ; modulo lunare Apollo (it)
Veìcuło de lansamento	Saturn V (it) ; Little Joe II (it) ; Saturn IB (it) ; Saturn I (it)

El Programa Apollo el zera un projeto spasiałe dei Stati Unii de l'Amèrica sviłupà inte łe dècade del 1960 e 1970. Sto projeto el ga finałizà portando a conpimento do presedenti prozeti statunitensi, el Programa Mercury e el Programa Gemini. El fin el zera cheło de portar l'èsare uman so ła superfise de ła Luna. El lansador dei razi el zera el grando Saturn V, che el gaveva na altesa de 110 metri e un pezo de 2.000 tonełae. I primi sie vołi Apollo i zera stai lansi de prova sensa ecuipajamento.

Vołi co ecuipajo

Apollo 7

El primo voło co ecuipajo del programa Apollo el ze sta l'Apollo 7. El zera sta lansà l'11 de otobre del 1968 e el ze restà inte el spàsio par undaze dì. Ecuipajà da Schirra, Eisele e Cunningha, ła so mision ła zera cueła de testar ła càpsuła e vàrie manovre de inpisamento del motore prinsipałe del Service Propulsion System (SPS). Par lansare sta oparasion Apollo, el ze sta doparà el Saturn IB, un razo pì picenin del Saturn V, anca se el razo Saturn IB no el saria sta doparà oncora inte el efetivo programa de espłorasion lunare. Ła motivasion ła zera che l'Apollo 7 el gaveva solché da orbitar da torno a ła Tera.

Apollo 8

Par savèrghene de pì, vardarse ła voxe Apollo 8.

El 21 de disenbre del 1968 el ze sta varà l''Apollo 8' par studiar łe pusibiłità de un lunajo. El zera ecuipajà da Anders, Lovell e Borman, st'ùltemo cofà comandante, Lovell piłota del moduło de comando e Anders piłota del mòduło lunare. Tre dì dopo el varo, ła navezeła spasiałe ła ze stada lansada inte na òrbita lunare stabiłizada a 112 chiłòmetri da ła so superfise, distansa da ła cuała el Apollo 8 el ga orbità par 10 volte in 20 ore e, prosedendo a l'inpisamento del SPS. El ga dasà l'òrbita lunare par tornare su ła Tera el 27 de l'isteso meze, dopo èsar stada inte el spàsio par 147 ore.

Apollo 9

Par savèrghene de pì, vardarse ła voxe Apollo 9.

Inte el marso del 1969, intrà el 3 e el 13, l'Apollo 9 el ga testà el mòduło lunare da torno de ła Tera. El mòduło lunare, ecuipajà da McDivitt i Schweickart, el vegnarà dopo separà dal mòduło de comando. Donca, par simułar el decoło da ła Luna, i do conponenti del mòduło lunare i zera stai separai e, inte ła fin, ła parte superiore del mòduło lunare ła ze stada unia al mòduło de comando, andove se catava l'astronàuta Scott, tornando tuti e trè su sta nave.

Apollo 10

Par savèrghene de pì, vardarse ła voxe Apollo 10.

El 26 de majo del 1969 el ze sta lansà l'ùltemo voło de prova prima de cueło che el saria sta el voło de concluzion del programa Apollo. I astronàuti Stafford, Young i Cernan i ze partii co lApollo 10 par far łe prove zenerałi. Stafford e Cernan i se ghea sbasà finmente a 15 chiłòmetri da ła luna. A tal ponto, i ze tornai su par unirse al mòduło de comando, cofà se i fuse drio tornar su da ła superfise lunare.

Apollo 11

Par savèrghene de pì, vardarse ła voxe Apollo 11.

Apollo 11 - lansà el 16 de lujo - el ze sta el primo a portar do umani su ła luna. Neil Armstrong e Buzz Aldrin i zera stai ełezesti, mentre che Collins el zera restà al comando, in òrbita da torno de ła Luna. I do astronàuti i ghea fato lunajo sol "mare Tranquillitatis" metindo el primo pie su ła superfise lunare el 20 de lujo 1969.

Armstrong e Aldrin i ghea tolto su 20 chiłi de ròcia lunare, i ghea montà na tełecàmara par trasmétare imàzeni da ła luna a ła NASA, ła cuała dopo ła se ghea conetesto co łe vàrie stasion tełevizive, fazéndogheło védar a milioni de tełespetatori. I ghea dopo montà un paneło refletente par mezurar ła preciza destansa intrà ła Tera e ła Luna e i ghea dasà so ła superfise un sismògrafo par mezurar pusìbiłe movimenti sìsmeghi.

Dopo de łe soradite oparasion, i astronàuti i zera tornai al mòduło lunare par repozar prima de rintanarse al mòduło de comando. In tuto, i astronàuti i zera restai su ła Luna par 21 ore e meza. I austronàuti i zera tornai so ła tera inte el 24 de lujo, i cuałi i ze stai dopo acolzesti cofà eroi da ła popołasion. Par precausion, i trè i ze stai metesti in cuarantena par trè stimane, inte el cazo i fuse tornai co microrganismi extraterestri. Ma na volta che ła Luna ła se zera svełada stèriłe, sto protocoło el ze stato soprimesto inte łe mision seventi.

Notasion

Altri projeti

Wikimedia Commons el detien imàjini o altri file so Programa Apollo
Scholia el detien schemi gràfeghi so Programa Apollo

Linganbi foresti

(EN) ApolloEnçiclopedia Britannica, Encyclopædia Britannica, Inc.

Controło de autorità	VIAF (EN) 158349825 · LCCN (EN) n85308634 · GND (DE) 4232143-8 · NDL (EN, JA) 00956386 · WorldCat Identities (EN) n85-308634