Presidente dei Stati Unii de l'Amèrica

Da Wikipedia, l'ençiclopedia libara.
Infobox de Organizasion Presidente dei Stati Unii de l'Amèrica
Bandiera Stema
Bandiera Stema
Joe Biden presidential portrait (cropped).jpg
Tipoincargo ełezesto Cànbia el vałor in Wikidata
Fondasion30 apriłe 1787 Cànbia el vałor in Wikidata
SedeStati Unii de l'Amèrica
TratamentoMr. President, onorévołe e Ecełensa Cànbia el vałor in Wikidata
RezidensaCaza Bianca, Samuel Osgood House (it) Traduzi, Alexander Macomb House (it) Traduzi e President's House (it) Traduzi Cànbia el vałor in Wikidata
Nomenà daCołejo Ełetorałe dei Stati Unii de l'Amèrica e Càmara dei Raprezentanti dei Stati Unii de l'Amèrica Cànbia el vałor in Wikidata
ZurisdisionStati Unii de l'Amèrica Cànbia el vałor in Wikidata
Mandà4 anoi Cànbia el vałor in Wikidata
TitołarJoe Biden Cànbia el vałor in Wikidata
dal 20 xenaro 2021 Cànbia el vałor in Wikidata
InoHail to the Chief (it) Traduzi Cànbia el vałor in Wikidata
Sito ufisiałe

Facebook place: potus Twitter: POTUS


El Presidente dei Stati Unii d'Amèrica (scursà in POTUS[1]) el ze el cao de stato e cao del goerno dei Stati Unii d'Amèrica e el ze el funsionàrio pułìtego de grado pì alto del paeze. El presidente el ze el cao de ła rama ezecutiva del goerno co ła funsion de far respetare łe leji nasionałi ai sensi de ła Costitusion dei Stati Unii scriveta dal Congreso. El secondo artìcuło de ła costitusion el aferma che el presidente el ze sia el comandante in cao de łe forse armae e el mete in lista i spesìfeghi poderi del presidente, cofà el podere de sansionar o poner el veto so na leje aprovada da anbedó łe càmare del Congreso. El presidente el ga anca el podere de crear un gabineto de consejeri e de concédare ła gràsia ai condanai. In fin, col "consejo e el consenso" del Senato, el Presidente el ga el podere de redìzar e firmar tratai e de nomenare funsionari federałi, anbasatori, zùdazi federałi e i zùdazi de ła Corte Suprema. Atualmente, el presidente dei Stati Unii el ze Joe Biden, el 46° presidente, entrà in càrega el 20 de zenaro del 2021.

El Presidente dei Stati Unii el vien ełezesto indiretamente par via de el Cołejo Eletorałe dei Stati Unii par un mandà de cuatro ani, e co pusibiłità de un'ùgnoła reełesion, ai sensi del 22° Emendamento a ła Costitusion, ratifegà inte el 1951. Soto el sistema indireto, al Stato el ghe vien asegnà un nùmaro de voti ełetorałi paro al nùmaro totałe de ła dełegasion de raprezentanti e senatori al Congreso. Anca el Distreto de Columbia, dal 23° emendamento a ła costitusion, i ghe ze stai asegnai voti ełetorałi. I ełetori de cuazi tuti i Stai dei Stati Unii i ełeze, traverso de un sistema ełetorałe uninomenałe majoritàrio, un candidà presidensiałe. El candidà che vinse łe ełesion del stato in cuestion, el ciapa tuti i voti ełetorałi sto stato, siben che ghe sìpia de łe ecesion in racuanti stati che invese i destribuise i voti ełetorałi drio łe preferense ełetorałi. El candidà che ciapa ła majoransa sénplega dei voti ełetorałi de tuti i stati el divien el presidente ełeto. Se nisun candidà el ze bon de rivar a sto rezultà, ła Càmara dei Raprezentanti ła ełeze el presidente par dèłega del Stato.

Da ła fin de ła guera revołusionària americana finmente a ła ratìfega de ła costitusion inte el 1788, no el ezisteva un ufiso simiłar co autorità ezecutiva che el goernase łe Tredaze Cołònie, siben che ła persona che ła presiedea Congreso continentałe inte el ndar de ła guera e inte el dopoguera, e che soto Artìcułi de ła Confederasion, i zera conosesti cofà "Presidenti dei Stati Unii d'Amèrica inte el Congreso Reunio". L'autorità ezecutiva del presidente, limitada dai ecuiłibri de podere co łe rame lejislative e zudisiàrie, ła ze stada creada par resołusionar i problemi pułìteghi de ła nova nasion e par antisipar łe sfide del futuro e prevegner l'aseza de un autòcrato. I Stati Unii i ze stai ła prima nasion a crear l'ufiso de presidente cofà cao de stato de na repùblega moderna e oncó el sistema de goerno presidensiałe el ze doparà in un mùcio de Stati del mondo.

La Caza Bianca a Washington D.C. ła ze ła sede residensiałe ufisałe del presidente; el ga facoltà de uzufruir dei inpianti. Uno dei do Boeing VC-25, version modifegae del Boeing 747-200B, el ze inte łe despozision del presidente, par longhi viaji, e el ze conosesto in ingleze cofà Air Force One se el presidente el ghe viaja. El stipéndio del presidente el ze de $ 400.000, pì altri benefisi.

Lista dei Presidenti dei Stati Unii d'Amèrica[canbia | canbia el còdaxe]

Search ballonicon2.svg Par savèrghene de pì, vardarse ła voxe Lista dei Presidenti dei Stati Unii d'Amèrica.

Notasion[canbia | canbia el còdaxe]

  1. (EN) William Safire, On Language; Potus And Flotus, a cura di New York Times, New York Times, 12 octubre 1997. entrada il 27/05/2021.

Altri projeti[canbia | canbia el còdaxe]

Linganbi foresti[canbia | canbia el còdaxe]


Controło de autoritàVIAF (EN123879793 · ISNI (EN0000 0001 2106 1812 · LCCN (ENn80001199 · GND (DE2033432-1 · BNF (FRcb11863688j (data) · WorldCat Identities (ENn80-001199


Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Presidente_dei_Stati_Unii_de_l%27Amèrica&oldid=1078123"