Posa

Da Wikipedia, l'ençiclopedia libara.
Jump to navigation Jump to search
Sto articol al é scrit in belumat

Na posa la è na opera idraulica che la gnen fata co 'l scopo de acumular e conservar na žerta quantità de aqua pioana in modo da poder bearar le bestie anca ten posti aonde che no esiste sorgenti de aqua.

In particolar la gnen doperada ten žerte majolere in alta montagna o aonde che al teren al è jarin.

Costružion[canbia | canbia el còdexe]

Par far na posa se ciapa an posto che al sie còmet da donder, an stciant a 'l pustern e che al sie te na zona de depression de 'l teren, in modo da er an bacino de racolta de le aque metoriche abastanža grant. A sto punto se scava an buss fondo circa an metro e co 'n diametro grant quant che se ritien necessario par le vache che se à da bearar. Na olta fat sto tant se fa an fondo stabile de sass e se porta te 'l posto an bela poca de creda. la creda la à da gner metesta te 'l fondo in modo da costituir an strato uniforme e inpermeabile. A sto punto basta spetar la pioa par far al colaudo.

Manutenžion[canbia | canbia el còdexe]

Ogni an o ogni do ani ghe oree tornar a bater al fondo de creda in maniera che al se mancene conpatà e inpermeabile. na part de 'l deposito organico al è mejo eliminarla in modo che so nasse massa alghe dainpjenir tuta la posa o da forar la creda. Dopo qualche an de uso pol renderse necessario rifar al strato de creda.

Altri tipi de posa[canbia | canbia el còdexe]

Ghe gnen dat al nome de posa anca a opere tant pì pižole che le gnen fate co 'l stesso procedimento te 'l caso che ghe sie na vena de aqua co na portata pižola. Qualche olta la parola la gnen doperada anca par ciamar al foss dintorn de na sorgente che no gnen sfrutada da 'n aquedoto.