Plebiscito sol desolvimento del Landtag prusian
| Plebiscito sol desolvimento del Landtag prusian | |
|---|---|
| Data | 9 de agosto del 1931  |
| Sorte | plebiscito |
| Rezultà ełetorałe
| |
 | |
El referendum sol desolvimento del Landtag prusian del 9 de agosto del 1931 el zera sta convocà dopo de na petision popołana prezentada a ła organizasion todesca antirepublegana Stahlhelm, col sostegno de vari partii de drita, de l’Partio Nasionalsociałista Todesco dei Lavoratori e dei comunisti del Kommunistische Partei Deutschlands. El referendum el zera falio, no-ostante i “sì“ i fuse rivai al 93,93 dei voti, par via de ła mancansa del consevimento del quorum del 50%. De fato, a ndazer cheła volta inte łe urne a votar, el ze sta el 39,21% dei gaventi derito al voto.
Contesto istòrego[canbia | canbia el còdaxe]
La Prùsia, dopo de łe ełesion del 1930, ła zera considerada l’ùltema pusibiłità democràtega in Zermània. Par sta motivasion i atachi contro del goerno del canceliero Otto Braun i zera cresesti. Su presion de Heinrich Brüning e Joseph Wirth, l’organizasion Stahlhelm, proibia in Prùsia inte ła istà del 1930, ła zera stada autorizada de novo. Inte el “dì nasionałe dei rèduci del fronte“, gavesta el 4 de otobre a Coblensa co ła partesipasion de 100000 infiołai, el cao de l’organizasion Franz Seldte el ghea tacà co asperità el goerno “marxista“ de ła Prùsia e el ghea anunsà na petision par el desolvimento antesipatòrio del parlamento prusian.
El desolvimento de ła càmara el zera sta refudà dai partii de ła coałision goernadiva de l'SPD, Zentrum e Deutsche Staatspartei co 229 voti, contro i 190 voti de l'opozision de NSDAP, NVP, KPD, DVP, Deutsche Fraktion, Wirtschaftspartei e Christlich-Sozialer Volksdienst. Par sta motivasion, inte el 9 de agosto se ghea decidesto de métar in ato el referendum.
Notasion[canbia | canbia el còdaxe]
Altri projeti[canbia | canbia el còdaxe]
Wikimedia Commons el detien imàjini o altri file so Plebiscito sol desolvimento del Landtag prusian
