Pippi Calzelunghe

Da Wikipedia, l'ençiclopedia libara.
Pippi Calzelunghe
Pippi Langkous in Nederland 1 (crop).jpg
StatoSvesia
Zènarofantazìa
Łénguazvedeze
IdeatorAstrid Lindgren

Musicbrainz: c99ee56f-b590-46b6-a432-e961b7824e5c Songkick: 365657


Pippi Calzelunghe (in veneto Calsełonghe), (in łengua zvedeze Pippi Långstrump) ze un personajo imajinario, puteła protagonista de l'omònemo romanzo del 1945 de ła scritora zvedeza Astrid Lindgren e de l'omònema serie tełeviziva del 1969.

Caraterìsteghe[canbia | canbia el còdaxe]

El nome conpleto ze "Pippilotta Viktualia Rullgardina Succiamenta fia del Capitan Efraim Calzelunghe, presedentemente teror dei mari, deso re dei negri"[1] - "Pippilotta Viktualia Rullgardina Krusmynta Efraimsdotter Långstrump, dotter till kapten Efraim Långstrump, fordom havens skräck, numera negerkung" inte ła varsion orizinałe zvedeze).

Ła ze na puteła ecesionałe; ła pionba a l'inprovizo inte ła trancuìła sitadina zvedeza de Visby (inte l'ìzoła de Gotland) e ła va a viver da soła a Villa Villa Colle (Villa Villekulla). Efetivamente Pippi ła ze in conpanja de un cavało bianco a pois neri (rasa Knabstrup), che èła ła ciama zieto e de na simieta, signor Nilsson.

L'aspeto vivace de ła Viła (cołorada co cołori verde, zało e roza pasteło) atira suìto l'atension dei abitanti de ła sitadina; in partegołar cueła de do putełi, Tommy e Annika de dieze ani, che incuriozìia inpisa de sopiato a l'interno de ła viła e i trova na puteła so coetanea, che ze drìo repozar co ła tèsta ai pìe del łeto e i pìe (so i cuałi canpeja de łe bufisime scarpe de 5 mezure pì grande del pìe steso) so'l cusìn. Incuriozìi i putełi fa presto amicisia co ła sinpàtega incuiłina de ła viła e i scoerzarà presto che ła toem in caza na grosa spòrta co monède antìghe de inestimabiłe vałor, fruto a so dir dei tezori misteriozi trovai dal pare, pirata inte i mari del Sud. Ła ze inazonta dotada de na forsa prodijoza, ai łimiti del paranormałe, che suìto ła metarà in ato alsando de pezo el so cavało e fazendo ło steso co l'ajuto dei do malcapitai połisioti, che dopo ła supiada avesta da zia Prysselius, vorìa farla zlojar da ła viła.

El romanzo[canbia | canbia el còdaxe]

Search ballonicon2.svg Par savèrghene de pì, vardarse ła voxe Pippi Långstrump (romanso).

El romanzo de Pippi Calzelunghe nase da asurde storiełe, fruto de ła fantazìa de Astrid Lindgren, aventi come protagonista Pippi Calzelunghe, nome inventà da ła fia Karin che, dovendo star in łeto małada par na polmonìa, ga chiedesto a ła mare de contarle ła istoria de sto personajo. Astrid, perciò, ga tacà scrivar na serie de curti raconti che sto nome stranbo podese ispirarle. Pippi Calzelunghe ga sénpre l'obietivo de rezolver problemi, jutando i so amighi Tommy e Annika, co l'ajuto de ła so fervida imaginasion e del so altruizmo. El romanzo se divide in 24 raconti.

Ła serie tełeviziva[canbia | canbia el còdaxe]

Search ballonicon2.svg Par savèrghene de pì, vardarse ła voxe Pippi Långstrump (serie tełeviziva).
Villa Villacolle, ła caza uzada par i film e ła serie, se cata inte l'ìzoła de Gotland in Svesia e pì presizamente inte ła sitadina de Visby. Ancùo ła ze meta de forèsti.
Na riprodusion de Pippi Calzelunghe che dorme inte'l so łeto a l'interno de Viła Villacolle (Visby)

Ła varsion italiana de ła serie ze stà conponesta da na únega stazon formada da 21 epizodi, mentre ła varsion orizinałe ne contava 13. I zontativi 8 epizodi ze stà recavai da do film venjesti fora inte'l 1970. El dopiajo in łengua italiana ze stà curà da ła C.D. 1970.

In Itàłia ła serie ze andada in onda in prima vizion so RaiUno inte'l 1970 e drìoman ła ga avùo varie repliche so Rai 2 inte'l 1994, so Disney Channel inte'l 2004 e so Italia Uno inte ła stajon 2006-07. Ła serie tełeviziva Pippi Calzelunghe vien trazmetesta anca so'l canałe DeAKids e DeAKids+1, i canałi par tozi de De Agostini Editore vizibiłi so ła piataforma SKY ai canałi 601 e 602. Inte'l majo e zunjo 2012 vien trazmetesta so'l canałe tełevizivo Boing e da majo 2015 so'l canałe par putełi Cartoonito (ancora in trazmision inte l'ano 2020).

Ła serie tełeviziva ze anbientada inte i ani '60 anca se l'auto dei połisioti ze na Ford Model T del 1923 co l'inviamento "a manovèła"[2].

Łe varsion de Pippi Calzelunghe inte łe altre łengue[canbia | canbia el còdaxe]

Un carteło a l'interno de Viła Villacolle reporta i nomi de Pippi Calzelunghe inte i vari paezi del mondo
  • Albaneze: Pipi Çorapegjata
  • Arabo: جنان ذات الجورب الطويل (Jnạn ḏạt ạljwrb ạlṭwyl)
  • Basco: Pippi Kaltzaluze
  • Bulgaro: Пипи Дългото Чорапче (Pipi Dălgoto Čorapče)
  • Ceco: Pipi Dlouhá Punčocha
  • Sineze: 長襪子皮皮, 长袜子皮皮 (Zhǎngwàzi Pípí)
  • Coreano: 말괄량이 삐삐 (Malkwallyangi Ppippi)
  • Croato: Pipi Duga Čarapa
  • Curdo: Pippi-Ya Goredirey
  • Daneze: Pippi Langstrømpe
  • Ebràego: בילבי בת - גרב (Bylby Bat Gerev)
  • Esperanto: Pipi Ŝtrumpolonga
  • Estone: Pipi Pikksukk
  • Finlandeze: Peppi Pitkätossu
  • Franseze: Fifi Brindacier
  • Gałisian: Pippi Mediaslongas
  • Japoneze: 長靴下のピッピ, 長くつ下のピッピ (Nagakutsushita no Pippi)
  • Grego: Πίπη η Φακιδομύτη (Pípi̱ i̱ Fakidomýti̱)
  • Indonezian: Pippi Si Kaus Kaki Panjang
  • Ingleze: Pippi Longstocking
  • Izlandeze: Lína Langsokkur
  • Italian: Pippi Calzelunghe
  • Łetone: Pepija Garzeķe
  • Łituan: Pepė Ilgakojinė
  • Macedone: Пипи долгиот цорап (Pipi dolgiot corap)
  • Norvejeze: Pippi Langstrømpe
  • Ołandeze: Pipi Langkous
  • Persian: پیپی جوراببلنده (Pypy Gwrāb-balandah)
  • Połaco: Pippi Pończoszanka (o talvolta Fizia Pończoszanka)
  • Portogheze: Píppi Meialonga o Bibi Meialonga (Braziłe); Pipi das Meias Altas (Portogało)
  • Rumeno: Fifi Șosețica
  • Ruso: Пеппи Длинныйчулок (Peppi Dlinnyjčulok)
  • Serbo: Pipi Dugacka Carapa
  • Zlovaco: Pipi Dlhá Pančucha
  • Zloveno: Pika Nogavička
  • Spanjoło: Pippi Calzaslargas (Spanja); Pipi Calzaslargas, Pipa Mediaslargas, Pippi Mediaslargas, Pepita Mediaslargas (America Łatina)
  • Zvedeze: Pippi Långstrump
  • Todesco: Pippi Langstrumpf
  • Thai: ปิ๊ปปี้ ถุงเท้ายาว (Pippi Thung-taow Yaow)
  • Turco: Pippi Uzun çorap
  • Ungareze: Harisnyás Pippi
  • Vietnamita: Pippi tất dài

Notasion[canbia | canbia el còdaxe]

  1. Oppure Pippilotta Pesanella Tapparella Succiamenta inte ła prima edision italiana (Vallecchi, 1958).
  2. (EN) IMCD - Ford Model T
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Pippi_Calzelunghe&oldid=1062145"