Pino Budicin
Giuseppe Budicin dito Pino (Rovigno, 27 de apriłe 1911 - Rovigno, 10 de febraro 1944) el xe sta un antifasista e partixan istrian.
Biografia
[canbia | canbia el còdaxe]Nasùo a Rovigno da famèja istroveneta inte i ultemi ani del dominio austriaco. Dal 1931 al 1933 el ga fato el servisio de leva obligatoria inte ła Marina Miłitare a La Spesia. Tornà a far el barbiero a Rovigno inte el 1934 el vien arestà e condanà dal Tribunałe Speciałe a sete ani de gałera par propaganda e atività comunista. Amnistià inte el marso 1937 el vien condanà da novo inte el 1938, stavolta a 12 ani. Libarà dopo el 25 de lujo 1943 el taca a organixar ła rexistensa in Istria.
El 8 de febraro 1944 el vien caturà dai fasisti insieme co Guerrino Grassi (conosùo infrà i partixani come "Augusto Ferri"). Dopo èsar stai interogai el 10 de febraro i vien giustisiai. I corpi dei do, insieme a cueło de Giovanni Sossi, un terso partixan caturà in precedensa, i vien esposti so ła Riva Valdibora.
Suito dopo ła so morte inisia a oparar in xona el Batajon partixan istroveneto a lu dedicà. Inte el zugno del 1944 ła formasion la vien incuadrà inte ła Brigata istriana "Vladimir Gortan" che pì vanti ła vien incorporà inte la 43ma divixion del Exersito popołare de liberasion de ła Jugoslavia.