Piaza Bra

Da Wikipedia, l'ençiclopedia libara.
Jump to navigation Jump to search
Piaza Bra
Verona - Piazza Bra.jpg
El listón de piassa Bra, ciapà dal'Arena.
Locałixasion
ÇitàVerona
CuartieroÇità antiga
Informasion xenerałi
TipoPiasa
Lingambi
IntersesionVia Mazzini e Corso Porta Nuova
Posti de intareseArena de Verona, Gran Guardia, Palazzo Barbieri, Palazzo degli Honorij e Museo lapidario maffeiano


Piassa Brà l'è el nome de ła piassa çentral e piasè granda de ła çità de Verona. Sui cuatro lati de ła piassa se cata alcuni dei edifici e dei posti piasè inportanti de ła çità: el Listón, l'Arena, el palasso Barbieri indove ghe stà el sindaco e el palasso de ła Gran Guardia.

Nome[canbia | canbia el còdaxe]

El nome, de antica tradision, el ven da ła 'osse longobarda braida, che corisponde al tedesco Breit, "largo", e che vol dir "estension, anpiessa, canpagna piana".

Sto significato che l'è dimostrà da ła presensa de altri dó toponimi conpagni senpre a Verona: ła Bra dei Mołinari e San Giorgio in Braida. Quindi ła denominasion ufiçiałe de "Piazza Brà" in realtà ła sarìa na tautołogia, cioè sarìa come dir "piassa piassa": difati, a Verona tuti quanti i dixe soło "la Bra", sensa zontarghe altro.

La 'osse bràida, de uxo comun intel diałeto veronexe de na òlta, intorno a l'ano Mile ła gà evidentemente perso la –j- e l'è pasà a brada, par dopo deventar braa (come gà scrito nel Trexento anca el Boccaccio) e quindi bra. La stesa –j- che casca ła se gà vùa 'ntel veronese bròl (che sarìa el "fruteto") dal tardo latìn broglium.

Intel periodo de ła Serenìsima Republica la Bra l'è stà anca dita Piassa d’arme, parché i soldà i ghe faxéa łe exercitasion.

Controło de autoritàVIAF (EN238635091 · WorldCat Identities (EN238635091
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Piaza_Bra&oldid=764429"