Piasa Bra

Piaza Bra
El listón de piassa Bra, ciapà dal'Arena.
Dati
Sorte	Piasa
Parte de	piazze di Verona (it)
Pozision
Rejon aministrativa	Verona (Itàlia)
Pozision	piazza Bra, 37122 Verona
45°26′20″N 10°59′34″E45°26′20″N, 10°59′34″E

Piasa Brà l'è el nome de ła piasa çentral e piasè granda de ła sità de Verona. Sui cuatro lati de ła piassa se cata alcuni dei edifici e dei posti piasè inportanti de ła çità: el Listón, l'Arena, el palasso Barbieri indove ghe stà el sindaco e el palasso de ła Gran Guardia.

Nome

El nome, de antica tradision, el ven da ła 'osse longobarda braida, che corisponde al tedesco Breit, "largo", e che vol dir "estension, anpiessa, canpagna piana".

Sto signifegà che l'è dimostrà da ła presensa de altri dó toponimi conpagni senpre a Verona: ła Bra dei Mołinari e San Giorgio in Braida. Quindi ła denominasion ufiçiałe de "Piazza Brà" in realtà ła sarìa na tautołogia, cioè sarìa come dir "piassa piassa": difati, a Verona tuti quanti i dixe soło "la Bra", sensa zontarghe altro.

La 'osse bràida, de uxo comun intel diałeto veronexe de na òlta, intorno a l'ano Mile ła gà evidentemente perso la –j- e l'è pasà a brada, par dopo deventar braa (come gà scrito inte el Trexento anca el Boccaccio) e quindi bra. La stesa –j- che casca ła se gà vùa inte el veronese bròl (che sarìa el "fruteto") dal tardo latìn broglium.

Intel periodo de ła Serenìsima Republica la Bra l'è stà anca dita Piassa d’arme, parché i soldà i ghe faxea łe exercitasion.

Controło de autorità	VIAF (EN) 238635091 · WorldCat Identities (EN) 238635091