Pedro Almodóvar

Pedro Almodóvar el xe un famoso resista cinematografico spagnolo. Dai ani otanta el xe el resista pi popolar del cìnema spagnolo, renomà anca a livelo internazional.

Pedro Almodóvar co l'atrise Penélope Cruz

Indice

1 Biografia
2 Filmografìa
- 2.1 Resista
3 Premi
4 Ligamenti foresti

Biografia[canbia | canbia el còdexe]

El nasse el 24 de Setenbre del 1951 a Calzada de Calatrava, un paeseto inte la region spangola de la Castegia-La Mancha. A nove ani Almodóvar el emigra in Estremadura e là el studia da i frari Francescani e Salesiani (in sèvito el bolarà cofà negativa tal esparienza). A 16 ani el se trasferisse a Madrid par studiar a la scola internazional de cìnema. Tal esparienza, però, la ghe vien precludesta par vìa de la sareùra de la scola stessa da banda del ditador Francisco Franco. El laora par do ani inte la Conpagnìa Telefònega Nazional Spagnola e contenporaneamente el se intaressa de cìnema e de teatro de vanvardia e el gera menbro del grupo teatral Los Goliardos. I so primi curtometragi e risal al 1972, sucessivamente el deventa uno dei protagonisti de la movida madrilegna.

Nel 1985 el fonda co so fradel Agustín la società de produsion El Deseo, che produse i so primi film e finansia l'opera de altri registi spagnoli; al stesso tenpo el fonda insieme col so amigo McNamara un grupo musical.

Nel 1989 el venze el Nastro d'Argento e el David di Donatello come mejo regista; nel 1999 el ciapa la Palma d'Oro al Festival de Cannes, de nuovo come mejo regista. Nel 2000 el venze l'Oscar par la mejo pelìcola foresta con Tutto su mia madre e nel 2003 el ciapa n'altro Oscar a la mejo senegiadura original par Parla con lei.

Nel 2003 el protesta contro l'Academia de las Artes y las Ciencias Cinematográficas, che no la gaveva apogià la nomination de Parla con lei al premio Oscar.

Nel 2004 el lassa l'Academia par deventar uno dei autori cinematografici pi ativi del grupo del No a la guera; dopo i atentati de Madrid de l'11 marso 2004 el ga dito che "el PP el jera sul ponto de provocar un colpo de stato" nei giorni dopo i atentati.

Sensa rinunciar a la rapresentassion de le realtà marginali de la società, carateristica de le so pelìcole d'esordio, Almodóvar el svilupa uncò trame basà su le passion e i sentimenti, senpre pi sofisticà e "colorà", co na abondansa de elementi scandalistici e provocatori e mostrando na ciara ideologia progressista. Temi tipici del regista xe i raporti fra done, l'anbiguità sessual, l'amor e la passion omosessuale (spesso tratà in modo ironico ed autoironico), la critica a la religion.