Pecà orixenałe

Da Wikipedia, l'ençiclopedia libara.
Eł pecà orixenałe de Michelangelo Buonarroti disegno inte ła Capeła Sistina.

pecà orixenałe (in latin peccatum originale) el se ciama cosita parchè el xe cuel che ga fato Adamo e Eva al prinsipio de ł'umanità[1].

Ła naraxion inte ła Genesi[canbia | canbia el còdaxe]

Ła descasàda de Adamo e Eva dal jardin deł'Eden (Gustave Doré).

Dio el ga creà Adamo e Eva nudi e misi in eł jardin de ł'Eden o paradixo terestre. Dio el ga dà el comandamento de magnare tuti i fruti de i albari ma no cuei de ł'albaro de ła conosensa del ben e del mal senò i more. El demonio, buxiero, soto forma de biso el xe na visin a Eva el ghe ga dito « no dal bon, che no morì. Dio parò sa che quando vien el dì che te ło magnè, se verderà i oci e te sarè come dio, savendo el ben e el mal.» Ła dona ła ga visto che ł'albaro xera beło e ła ga ciapà on fruto e magnà, dandagheło anca a so marìo che ło ga magnà. Dopo i ga verto i oci e i se ga nacorti che i gera nudi e i se ga meso foje de figaro. Dio el ga ciamà Adamo: « Adamo, Adamo dove sito? Parchè te gheto sconto?». Adamo el ga risposto: «Me go sconto pien de vergogna, parchè go pecà contro Vu magnando el fruto che Eva me ga dà ». Dio dixe a Eva « Parchè gheto fato cuesto?». Eva ła ga risposto: « Xe sta el biso e inganarme!». Dio al biso: «Te si małedio! Mi meto inamicisia tra ti e ła dona; tra ła discendensa sua. E cueło che nase da eła te schiserà ła testa (riferemento a Maria Verxene).» Dio dixe a ła dona: «A aumento i to dołuri inte łe to gravidanse, col dołor te partorisi i fioi. Te sarè governà da to mario, el te dominerà.» A Adamo Dio ghe dixe: «Parchè te ghe scoltà ła voxe de ła to dona, e te ghe magnà el fruto che te go comandà de no magnare, małedia ła tera dal to łaoro; co fadighe te ricavarè el magnar tuti i dì de ła to vita. [...]. Co sudor de ła to muso te trovarè el pan, fin che te torni tera che te si sta tirà fora; parchè polvere te xeri e polvare te ghe da tornar.» Dopo sti fati Adamo e Eva i xe sta butà fora dal Paradixo da on Anxeło co ła spada infiamà[2].

Teołoxia catòłega[canbia | canbia el còdaxe]

El pecà orixinantełe, secondo ła Cexa Catòłega, el xe de superbia e desobediensa. El vien trasmetesto a ogni eser uman e scancełà co eł batedo, ma ghe resta ł'inclinasion al mal[3].

Notasion[canbia | canbia el còdaxe]

  1. (IT) Don Angelo Albani - Don Massimo Astrua, La Bibbia par i ragazzi, Mimep-Docente, 2003, 12.
  2. (IT) La Sacra Bibbia, Genesi 3, Salani Editore, 1991.
  3. (IT) A scuola di Gesù, Centro Librario Sodalitium, 2013, 20.

Altri projeti[canbia | canbia el còdaxe]

Linganbi foresti[canbia | canbia el còdaxe]

Controło de autoritàLCCN (ENsh85122774
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Pecà_orixenałe&oldid=1031874"