Parlamento Eoropeo

Da Wikipedia, l'ençiclopedia libara.
(Rimando da Parlamento Europeo)
Jump to navigation Jump to search
El logo del Parlamento Eoropeo fin al 2014

El Parlamento Eoropeo (conosuo anca come Europarlamento; uficialmente in latin: Parlamentum Europaeum) la xe l'ùgnola istitusion de l'Union eoropea ad esare eleta diretamente dai sitadini che i nomina a le elesion i Partìi pułitisi Eoropei.

L'emisiclo del Parlamento Eoropeo

Insieme co'l Consejo de l'Union Europea, la xe una de le do camare che exersita el potere legislativo ne l'Union. El svolge anca na funsion de controlo su l'operato de la Comision Eoropea, el elege el Presidente su proposta del Consejo Eoropeo e el aprova in bloco la Comision.

El Parlamento europeo el ga tre sedi: Bruxelles, Strasburgo e Lussemburgo.

Le otave elesion le xe stae el 22 al 25 maggio 2014.

Conplesivamente el ga 751 conponenti, divisi in proporzion tra i 28 stati menbri.

Dal 2017 el presidente xe el 'talian Antonio Tajani.

L'Asenblea parlamentare eoropea[canbia | canbia el còdexe]

Logo del Parlamento fin al 1983

El 19 de marso del 1958, dopo del tratà de Roma de l'ano prima, nase l'Asenblea parlamentare eoropea, sempre co sede a Strasburgo, ma slargada a 142 menbri ełeti co łe stese modałità de ła presedente Asenblea de ła CECA, par nomena da parte dei goerni nasionałi, tra i parlamentari de sascun paexe.

El 30 de marso del 1962 l'Asenblea la canbia nome en "Parlamento Eoropeo", che dal 1º de xenaro 1973 va su a 198 menbri par l'entrada de Danimarca, Regno Unio e Irlanda.

Łe ełesion a sufrajo universałe[canbia | canbia el còdexe]

El 20 de setenbre del 1976 el Consejo Eoropeo a Bruxelles, deside de rendare el Parlamento Eoropeo elexibile a sufrajo universałe direto, e cusì che no sia pì i parlamentari nasionałi a nominare i raprexentanti Eoropei.

El testo entra in funsion el 1º lulio 1978 e łe prime elesion le avien nel xugno 1979.

I menbri de l'Eoroparlamento i pasarà dopo a 434 (1984), 518 (1989), 567 (1994), 626 (1995), 732 (2004), 782 (2007). Par el 2009 xé sta scursà el numaro dei menbri a 736, come scrito n'tel Tratà de Nisa. Nel 2012 i xé stai alsai da novo a 754. El tratà de Lisbona ghin prevarda 751 come scrito n'tel art.14.

Co ła dichiarasion n.4 ligada al testo de Lisbona se dixe che "la carega in pì vien dà a l'Itałia" par tegnere la parità de careghe tra Itałia e Regno Unio.

Grupi parlamentari[canbia | canbia el còdexe]

I eurodeputai i xe organixai in grupi parlamentari, conprexo cuelo dei no iscriti dedicà a chi che no se riconose in nesun dei grupi costituìi. Parché un grupo parlamentare el posa èsar riconosùo ocore almanco 25 deputai eleti in almanco un cuarto dei stati.

Sti grupi i laora sudivixi in 20 comision.

I do grupi pì grandi i xe cuełi del PPE e de S&D, che i ga dominà el Parlamento par gran parte de la so vita. Nisun singoƚo grupo ga mai vudo la majoransa asołuta.

VIII legisladura (2014-2019)[canbia | canbia el còdexe]

Eurogrupo Sigla MPE Eoropartìo Sigla MPE
Partìo Popołare Eoropeo PPE 217 Partìo Popołare Eoropeo PPE 211
No iscriti 6
Aleansa Progresista dei Sociałisti e dei Democratisi S&D 189 Partìo del Sociałismo Eoropeo PSE 181
No iscriti 8
Conservadori e Riformisti Eoropei ECR 74 Aleansa dei Conservadori e Riformisti Eoropei AECR 44
Movimento Pułitego Cristian d'Eoropa ECPM 2
No iscriti 28
Grupo de l'Aleansa dei Democratisi e dei Liberałi par l'Eoropa ALDE 68 Partìo de l'Aleansa dei Liberałi e dei Democratisi par l'Eoropa ALDE 39
Partìo Democratego Eoropeo PDE 10
No iscriti 19
Sanca Unitaria Eoropea/Sanca Verde Nordica EUL/NGL 52 Partìo de ła Sanca Eoropea SE 23
Aleansa de ła Sanca Verde Nordica NGLA 2
No iscriti 27
Verdi Eoropei - Aleansa Libara Eoropea V - EFA 51 Partìo Verde Eoropeo PVE 35
Aleansa Libara Eoropea ALE 6
Aleansa de ła Sanca Verde Nordica NGLA 1
No iscriti 9
Eoropa de ła Libartà e de ła Democrasia Direta EFDD 42 Aleansa par la Democrasia Direta in Eoropa ADDE 27
No iscriti 15
Eoropa de łe Nasion e de ła Libartà ENF 40 Movimento par un'Eoropa de łe Nasion e de ła Libartà MENL 30
Aleansa Eoropea par la Libartà EAF 4
No iscriti 6
No iscriti 18
Totałe 751

Collegamenti esterni[canbia | canbia el còdexe]

Varda anca[canbia | canbia el còdexe]