Partio pułìtego eoropeo

Da Wikipedia, l'ençiclopedia libara.
Jump to navigation Jump to search
Manifestasion del GUE-NGL a Borseła

On partio pułitego Eoropeo, o anca dito partio pułitego a livel eoropeo, xé on tipo de partio pułitego de l'Union Eoropea che el ga dirito a risevare schei da l'Union. I Eoropartìi i laora a livel transnasionale, i xé fondai e organixai da partìi nasionałi, no da singołe persone.


El articoło 10.4 del tratà de l'Union Eoropea el dixe:

[...] I partìi pułiteghi a livel eoropeo, i contribuirà a far na cosiensa pułitega eoropea e a esprimare ła vołontà dei sitadini de l'Union.

Recuixìi xurideghi[canbia | canbia el còdaxe]

Par esar considerai on partio pułitego eoropeo dal dirito comunitario, st'ultimi i ga da ver determinade recuixìi:

  • Personałità xuridega inte el paexe menbro andove gh'è la sede;
  • Vere na raprexentansa in almanco on cuarto dei Stati de l'Union;
  • Rispetar i prinsipi e i vałori andove se fonda l'Union eoropea, che i rispetee lo stato de dirito: Libartà, democrasia, rispeto dei diriti umani e de le libartà fondamentałi
  • Ver dichiarà de vołer candidarse a ełesion eoropee.

I partii pułiteghi eoropei i forma i grupi parlamentari eoropei. Tutavia, sti grupi no senpre i corisponde de ideołoxia co i so conponenti, parché tra partii nasionałi gh'è senpre difarense da paexe a paexe. Inte el parlamento eoropeo, ghe xé rapresentanti de partii nasionali che no i xé iscriti in nisun partio pułitego.

Par fare on grupo parlamentar in Eoropa, serve almanco 19 menbri de almanco sìncue Stati menbri de l'UE.

Lista partìi Eoropei[canbia | canbia el còdaxe]

Deso[canbia | canbia el còdaxe]

Deso, i partìi riconosui a liveło eoropeo e finansiai da l'Union Eoropea i xé cuindaxe.

Scurso Partio Ideołoxia Dal
  PPE Partio Popołare Eoropeo Cristianexemo democratego e Conservatorismo liberałe 2004
  PSE Partio del Sociałismo Eoropeo Socialdemocrasia, Sociałismo e Progresismo 2004
  RE Rinova Eoropa Liberałismo, Liberaldemocrasia 2004
  PDE Partio Democràtego Eoropeo Sentrismo, Eoropeismo e Liberałismo sociałe 2004
  V Partio Verdo Eoropeo Anbientałismo 2004
  ALE Leansa Lìbara Eoropea Indipendentismo, Autonomismo e Rejonałismo 2004
  GUE Partio de ła Sanca Eoropea Eorocomunismo e Sociałismo 2004
  EUD EUDemocrats Eoromalfidentismo e Conservatorismo nasionałe 2006
  AECR Leansa dei Conservatori e Riformisti Eoropei Conservatorismo nasionałe e Anti-Federałismo 2010
  ECPM Movimento Pułitego Cristian d'Eoropa Cristianexemo democratego e Conservatorismo sociałe 2010
  IED Identità e Democrasia Eurosetisismo 2015
  APF Leansa par ła Paxe e ła Libartà Eurosetisismo 2015

Na 'olta[canbia | canbia el còdaxe]


Abreviasion partio Ideoloxìa Dal Al
  AEN Ałeansa par l'Eoropa de łe nasion Conservatorismo nasional 2004 2010
  ADIE Ałeansa dei Democrateghi Indipendenti in Eoropa Conservatorismo nasional e Eoromalfidentismo 2006 2008
  MELD Leansa par l'Eoropa de łe Nasion Conservatorismo nasional e Eoromalfidentismo 2012 2016
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Partio_pułìtego_eoropeo&oldid=897862"