Padraig Pearse

Da Wikipedia, l'ençiclopedia libara.
Jump to navigation Jump to search
Patrick Pearse.jpg

Padraig Pearse (Dublin, 10 de novenbre 1879 - Dublin, 3 de majo 1916), conosùo anca col nome inglexe Patrick Henry Pearse e co cueło irlandexe Pádraig Anraí Mac Piarais, el xe sta un poeta e rivołusionario irlandexe.

Xoventù e prime esperiense[canbia | canbia el còdaxe]

Nato a Dublin inte na fameja de clase media, el rèdita da ła fameja de so mare, che ła jera de lengua mare irlandeex, el amor pa'l gaelico e presto el vien coinvolto inte el revival gaelico. A sedaxe ani el entra inte la Liga Gaelica, organixasion che promove la lengua irlandexe, e a vintitre ani el deventa editor del giornal de l'organixasion. Intanto el studia lengue moderne a ła Royal University of Ireland.

Pearse, educà da i Irish Christian Brother, el crede che la lengua el sia na parte fondamentałe de l'identità de na nasion. Donca el crede che el sistema scołastego irlandexe de l'epoca el serva a far cresare come inglexi o al masimo come irlandexi obedienti. Cuindi, anca par salvar el gaelico da l'estinsion, el crea na scoła bilengue (inglexe e irlandexe): ła Scoła de Santa Enda. Par catar finansiamenti el va, inte el 1914, inte i Stati Unìi de ła Mèrica, 'ndove che'l riese trovar, infrà i imigrai irlandexi, el sostegno economico nesesario par portar vanti la so inisiativa.

Inte el novenbre 1913 el entra inte i Vołontari Irlandexi. Un mexe dopo el entra inte ła Frja Republicana Irlandexe. In poco tenpo el se cata a èsar el menbro de ła Fraja col pì alto grado drento i Vołontari.

El 1916: ła revolta de Pascua[canbia | canbia el còdaxe]

El 24 de apriłe del 1916, al inisio de ła Revolta de Pascua, Pearse lexe in publico, pena fora de łe poste centrałi de Dublin, cuartier xeneral de ła revolta, ła Proclamasion de ła Republica Irlandexe. Dopo sie dì de bataja vien dato 'l ordene de rendarse.

Pearse el vien condanà a morte par fuxiłasion. Ła sentensa ła vien eseguìa ła matina del 3 de majo, Pearse xe uno dei primi capi de ła revolta a esar copà.

Controło de autoritàVIAF (EN72206367 · ISNI (EN0000 0001 0914 7816 · LCCN (ENn50000694 · GND (DE11954654X · BNF (FRcb12380890m (data) · BNE (ESXX1635096 (data) · NLA (EN35414077 · WorldCat Identities (ENn50-000694
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Padraig_Pearse&oldid=956995"