Pałaso Moro Lin

Pałaso Moro Lin, dito da łe trèdexe fenestre (delle tredici finestre), xe un pałaso venesian, situà inte el sestièr de San Marco e afasà sol Canal Grando.

Storia

El pałaso xe stà costruìo sìrca inte el 1670, su progeto de Sebastiano Mazzoni, e par vołontà de Pietro Liberi, pentór in Venesia. Morto el pitór, inte el 1691 el pałaso xe pasà a Antonio Lin, che ło gà cronpà e gà guarnìo i afreschi, ancùo persi, e altre òpare d'arte, oltra a proveder, a cavàło tra Siesento e Setesento, a tiràr su l'edificio xontando un pian. Intorno al 1942 el xe stà comprà da l'industriàl miłanexe Enrico Ghezzi, che ło gà tòlto da ła famegia venesiana dei Pascolato.

Descrision

Fasàda de quatro órdeni e dexegnà simetricamente. El pian tèra gà sete archi a tuto sesto che vien fora dal rio e che forma un portego, dei cuałi queło sentràl xe de dimension inferiori. I do piani nòbiłi e ' l terso piàn setesentesco xe parcorsi paròmo da trèdexe monofore, infra łe cuałe de łe łexene fa da decorasion. Le vertaùre dei piani nobiłi, pur esendo retangołari come quełe del terso, xe notàe in un rientro a tuto sesto. Ła soàxa che spartìse el primo pian nòbiłe dal piàn teren xe 'conpagnàda da na bałaustra, mentre łe sotonàtołe prexenta un cornixon grità. Łe òpare a fresco de Antonio Bellucci, Antonio Molinari e Gregorio Lazzarini se pòl veder oncora ancùo a l'interno dei partaménti del pałaso.