Pałaso Bellavite

Pałaso Bellavite

Palazzo Bellavite xe un pałaso venesian del XVI secoło, situà in Canpo San Maurisio, inte el sestièr de San Marco. El xe anca conosùo cofà Pałaso Bellavite Baffo, parchè ghe gà visùo l'ultimo menbro de ła famegia Baffo.

Descrision

Costruìo inte el primo Sinquesento in logo del vècio canpanièl de ła cexa de San Maurisio, el pałaso, so quatro livèłi, se caraterixa par la prexensa so ła fasàda de do serliane soramontàe.
I interni xe del Setesento; se sa ch'el pałaso xe stà afrescà, inte el corso del XVI secoło, ad òpara de Paolo Veronese, ma de tal laoro no xe restà più gnente.
I afreschi che se pol vardar xe del Setesento, atribuìi a Pietro Antonio Novelli.
Un tenpo prestigioxa dimora, el pałaso ancùo xe sede de un centro studi e de ufici.

Personałità łigàe a Pałaso Bellavite

El pałaso xe stà dimora de do grandi poeti, come che arecorda łe do iscrisión tacàe al prospeto prinsipàl de ła strutura:

• Giorgio Baffo: el poeta venesian gà visùo qui i so ultimi ani de vita, dal 1759 al 1768: el segondo nome del pałaso xe stà dedicà a ła so memoria.
• Alessandro Manzoni: el scritor lonbardo ghe gà gà abità intra el 1803 e el 1804.

Bibliografia

• Marcello Brusegan. La grande guida dei monumenti di Venezia. Roma, Newton & Compton, 2005. ISBN 88-541-0475-2.
• Guida d'Italia – Venezia. 3^a ed. Milano, Touring Editore, 2007. ISBN 978-88-365-4347-2.

Voxi łigàe

• Pałasi de San Marco

Altri progeti

Altri progetti

• Wikimedia Commons

• Wikimedia Commons el detien imàjini o altri file so Pałaso Bellavite