Péter Pan (soldà)
Péter Pan (Rusca Montană, 21 agosto 1897 – Monte Grapa, 19 setenbre 1918) el xe sta un militare austro-ungarico. El xe diventà famozo pa avere avuo lo steso nome del personajo leterario creà da lo scritore britanico J. M. Barrie intel 1902.
| Biografia | |
|---|---|
| Nasimènto | 21 de agosto del 1897  Krassó-Szörény (Regno d'Ungaria) |
| Morte | 19 de setenbre del 1918 (21 ani) Monte Grapa (Itàlia) |
| Liogo de sepełimento | Sacrario militare del Monte Grappa (it)  |
| Atività | |
| Ocupasion | |
| Cariera miłitar | |
| Unità miłitare | Imperiale e regio esercito (it) |
|
| |
Biografia
[canbia | canbia el còdaxe]Nasùo inte el paexe ungarexe de Ruszkabanya (atuałe Rusca Montană in Romania), inte el distreto de Krassó-Szörény (in romen: Caraș-Severin) el 21 de agosto 1897, co'l sciopo de ła guèra xe stà rołà inte ła 7ª conpagnia del 30º Reximento Fanteria Honvéd, e inte l'agosto del 1914 el xe partio par ła Bosnia-Erzegovina, dove, segondo alcune fonti el ga conbatùo fin al 1916.
Se sa parò che inte el xenaro del 1917 el xe stà trasferìo sol fronte itałian. Sicuramente el ga conbatùo ła desima bataja de l'Ixonso e ła Segonda bataja del monte Grappa. El xe moristo a łe prime łuxi del matin del 19 de setenbre 1918, durante un ataco a na trincea itałiana a Col Capriłe, sol monte Grapa, a cuota 1331.
El xe stà sepolìo orixinariamente in uno dei picołi simiteri de guèra che se cata sol masiso del Grapa e traslà dopo ła costrusion del sacrario miłitar del monte Grapa inte i ani '30. El xe tumułà inte el łocuło nùmaro 107 del sacrario e so ła so tonba xe de frecuente depoxità fiori, saseti e scorse de cape. Pan el xe uno dei 10.295 austro-ungarici morti sepełìi inte el sacrario de cui 10.000 ignoti.[1]
A Rusca Montană, na całe e un muzeo i xe stà ciamà col nome suo.[2]
- Col Caprile in inverno, 1916
-
-
Note
[canbia | canbia el còdaxe]- ↑ Sacrario di Cima Grappa, montegrappa.org. Entrada il 4 zugno 2019.
- ↑ E' qui la tomba di Peter Pan, corrierealpi. Entrada il 4 zugno 2019.
Bibliografia
[canbia | canbia el còdaxe]- Ferdinando Celi, Soldato Peter Pan. Chi era e da dove veniva il fante sepolto a Cima Grappa? E perché solo sulla sua tomba i fiori di campo?, A.i.Sol onlus Veneto, 2005, ISBN 8875260141.
- Matteo Saccone, Peter Pan ze morto in guerra. La grande guerra in letteratura, Forlì, CartaCanta, 2016, ISBN 9788896629871.
Cołegamenti esterni
[canbia | canbia el còdaxe]- Grande guerra: Peter Pan ze sul Grappaansa.it.
- Fiori par Peter Pan, il soldato della Grande Guerra amato dai bambinirepubblica.it.
- Il soldato Peter Panluigi-pellini.blogspot.com.
- Il Soldato Peter Pan del Monte Grappasegretidellastoria.wordpress.com.