Oselaž

Sto articol al é scrit in belumat

Oselaž

Oselaž

Stato de conservasion

Baso ris-cio (lc)

Clasificasion sientìfega

Domìnio: Eukaryota Sotoregno: Eumetazoa Superphylum: Deuterostomia Phylum: Chordata Subphylum: Vertebrata Superclasse: Tetrapoda Clase: Aves Sotoclase: Neornithes Órdene: Accipitriformes Fameja: Accipitridae Sotofameja: Buteoninae Gènare: Buteo Spece: B. buteo

Nomenclatura binomiałe

Buteo buteo Linnaeus, 1758

Sottospecie

Buteo buteo buteo Buteo buteo vulpinus Buteo buteo menetriesi Buteo buteo arrigonii Buteo buteo bannermani Buteo buteo rothschildi Buteo buteo insularum Buteo buteo bannermani Buteo buteo japonicus

Al oselaž (Buteo buteo, Linnaeus 1758) o pojana, al è an osel da preda tipico de l'Europa. Al à na longheža tipica tra i 51 e i 57 schei co na verta de ale da i 110 a i 130 cm, rendendolo an predator de medie dimension. Al so habitat al quata la gran part de la Europa e al se sìestende in Asia. Al viu ten tute le zone fora che ten quele pì frede. In todesco se dixe Mäusebussard, in inglexe common buzzard, in tałjan poiana.

Al frequenta pì che sia bosch, ma al va a caža te i teritori verti. Al magna mamiferi pižoi, bisse e pite. Se al è ciapà da la fan al magna anca animai morti.

Par al passà i oselaž i è stati tra i osei pì pì invelenadi e che se ghe à dat de pì la caža proprio parchè i ciapea le pite e altri animai mesteghi. Dess i gnen proteti da la lege e i è drio a ingenerarse senpre de pì.

De solito no i se mou mai in grupo ma i pol esser visti insieme durante qualche migražion o 'te 'n bon habitat. Al scritor vitorian William Crossing al diss de erghen vist ten žerti posti grupi de 15 o pì tanti ancora.

Al richiamo al è un querulo pii-eeh.

Morfologia

Al è an rapace de sagoma conpata co ale grande e arotondade e na coda pitost curta. Al color al è maron scur par sora e variabile par sot; de solito la superficie inferjor de le ale la è maron e an stciantenin striada de negro co na macia scura su 'l polso e area ciara sfumada in mež, e la coda la à tante strisse fine e negre. Co 'l vola la testa la par incassada te le spale e le ale le gnen ceneste al pel rialžade (profilo frontal a "V" verta).

Riprodužion

Al oselaž al fa sù an unico nit su alberi o su crode. La mastcia de solito la fa 2 o 3 ovi (qualche olta 1 o 4) te 'l nit tra marž e giugno. I ovi i è bianchi co mace bise o negre. La coa la dura de solito 34 dì, e se alterna al mastcio e la mastcia. I cei i sta te 'l nit par i 40-50 dì che gnen dopo.

Ecologia

Al oselaž al è an genere poch esigente. Al sta ben te le žiese de la canpagna in modo da er zone co na prevalenža de alberi aonde far i nit e una co na prevalenža de pra aonde ndar a caža. Inte le rejon montuose come la Val d'Aosta al fa al nit da spess anca te i cogoi, restando comunque entro te 'l limite de i bosch.

Conportamento

Le esigenže ecologiche limitade le lo rende al rapace diurno che se cata pì da spess su le Alpi a quote medio-basse, co teritori de riprodužion grandi anca solche pochi chilometri quadri. Se 'l cata da spess apostà su pai o alberi isoladi da i quai al ghe tende a le prede. Al sa sfrutar le corenti assensionai roteando par diverso tenp senža bater le lae. I voli teritoriai i è caraterizadi da na alternanža de pichiade a ale semi-ciuse e risalite svelte.

Specie che le ghe someja

Al Pernis apivorus, presente in Italja solche da majo a setenber, al se diferenžia da 'l oselaž par le ale e la coda an stciant pì longhe e par la testa cea. In volo le ale le gnen ceneste orizontai. Al color al è variabile, ma la coda la à senper 2-3 bande basai e una terminal scure.
Al magna inseti grandi e par la gran part imenoteri sociai (al scava al teren par catar i nit de vespe e moscoi), pì raramente de vertebradi de dimension pižole.

Distribužion

Distribužion de 'l oselaž: le aree verde scure le indica le zone aonde che al oselaž al viu tut al an, quele verde ciare e blu le zone de distribužion estiva e invernal.

Bibliografia

• BirdLife International 2004. Oselaž. In: 2008 IUCN Red List of Threatened Species. IUCN 2008.

Altri progeti

• Commons
• Wikispecies

Su Commons ghe xe dei file multimediałi su Oselaž

Wikispecies contiene informazioni su Oselaž

Łigadure foreste

(IT)(EN)(FR)(DE)

• Oselaž su Avibase, database dei osei 'ntel mondo

• Video su 'l oselaž
• (EN)[1]/ Articolo de 'l Independent su 'l ripopoloment de 'l oselaž in Gran Bretagna.

Galeria inmagini

• 

  Oselaž

• 

  Oselaž

• 

  Oselaž

• 

  Oselaž

• 

  Oselaž

• 

  Oselaž

• 

  Museum specimen