Ortiga

Ortiga

Urtica dioica

Clasificasion sientìfega

Regno: Plantae Divixion: Magnoliophyta Clase: Magnoliopsida Sotoclase: Rosidae Órdene: Rosales Fameja: Urticaceae Gènare: Urtica Spece: U. dioica

Nomenclatura binomiałe

Urtica dioica L., 1753

Un bar de ortighe

Ł'ortiga ła xe na pianta erbasea deła fameja dełe Urticaceae (nome sientifego Urtica dioica), ciamà nettle dai Inglexi, Brennnessel dai Todeschi, provika dai Sloveni e ortica dai Taljan. Łe foje, a punta de lancia e coi bordi a denti de sega, łe ga dei pełeti coła punta finisima, dełicata,

Łe punte de siłicio dei pełeti sułe foje e i pecol deł'ortiga

fata de cristałi de acidi de siłicio: kuando ke se sfrega sti agheti (ke xe un sistema de autoprotesion deła pianta), ste punte, piene de acido formico, serotonina e istamina, łe se spaca come el vero e łe va drento ła pełe faxendo vegner fora n'orticaria (pełe ke se gonfia come na scorsa de naransa e ke fa na spisa tremenda). A parte kuesto, ł'ortiga ła ga tanta vitamina A,C,D e K, fero, calcio e magnesio e se pol anca magnarla.

Ł'ortiga in cuxina

Ł'ortiga se pol magnarla in sałata o farla bojere e magnarla cota come i spinaci.

Ovi sodi, patate e ortighe cote

Se pol fare fortaje e anca supe. Xe boni anca el rixoto (rixi e ortighe) e i subioti cołe ortighe.