Organixasion mondiałe del torismo
| Organixasion mondiałe del torismo | |
_01.jpg) | |
| Fondasion | 1975 |
|---|---|
| Sede łegałe | Madrid |
      | |
L'Organixasion mondiałe del torismo (UNWTO ła xe ła sigla ufiçałe in inglexe de United Nations World Tourism Organization) ła xe na ajensia speçałixada de łe Nasion Unìe co sede a Madrid, che ła se ocupa ła trabaca inte el canpo del coordinamento de łe pułìteghe toristeghe, par promovare el xviłupo de on torismo responsàbiłe e sostegnibiłe.
Al 2018, rixulta parteçiparghe 158[1] stati menbri, 6 menbri asoçai e pì de 480 menbri afiołai in raprexentansa del setore privà, del torismo scołastego e de educativo, de łe istitusion locali de promosion toristega.[2]
Storego[canbia | canbia el còdaxe]
Xà dal 1934 ghe jera l'Union internasionałe de łe organixasion toristeghe ufiçałi de propaganda (IUOTPO, da l'inglexe International Union of Official Tourist Propaganda Organizations). Dopo la segonda guera mondiałe, se ghea deçidesto de sostituire sta organixasion, cusì che inte el 1947 xe nasesta ła Union internasionałe de łe organixasion ufiçali de viajo (IUOTO, da l'inglexe International Union of Official Travel Organizations), e ła so prima asenblea costitudiva ła xe sta fata inte L'Aia. La sede de l'organixasion, tenporaneamente, la jera sta verta a Londra, inte el Regno Unìo. L'ano dopo la IUOTO ła ga otegnesto el statuto consultivo de l'ONU. Intrà el 1948 e el 1957 xe stae creae anca łe comision rejonałi.
Inte el 1951 l'organixasion se trasferise a Xinevra, andove ła restarà là finmente al 1975. Inte el 1970 on'Asenblea xenerale straordinaria de la IUOTO ła se ghea riunio inte ła Sità del Mèsego e ła tołe el statuto de l'organixasion mondiałe del torismo, che ła se riunise par ła prima olta a Madrid inte el 1975. La cavidałe spagnoła ła divegnarà ła sede ufiçałe dal 1° de xenaro de l'ano dopo.
Inte el 2003 ła xe sta aprovada la trasformasion de l'organixasion in na ajensia speçałixada de łe Nasion Unìe, che dopo sta deçixion, ła sigla de ła organixasion ła xe sta canbiada inte el 2005 in UNWTO.
Segretari xenerałi[canbia | canbia el còdaxe]
- 1975 - 1985:
Robert Lonati - 1986 - 1989:
Willibald Pahr - 1990 - 1996: [[Imàjine:Modeło:Naz/Mèsego|class=noviewer|Modeło:Naz/Mèsego|20x16px]] Antonio Enríquez Savignac
- 1998 - 2008: Francesco Frangialli
- 2008 - 2018:
Taleb Rifai - 2018 - ‘in carega’:
Zurab Pololikashvili
Notasion[canbia | canbia el còdaxe]
- ↑ Member States | World Tourism Organization UNWTO. Lingambo vardà el 2016-07-09. (archivià dal lingambo del prinsipio n'te ła data: 22 febbraio 2019)
- ↑ Who we are | World Tourism Organization UNWTO. Lingambo vardà el 2016-07-09. (archivià dal lingambo del prinsipio n'te ła data: 2 luglio 2016)
Voxe corełade[canbia | canbia el còdaxe]
Altri projeti[canbia | canbia el còdaxe]
Wikimedia Commons el detien imàjini o altri file so Organixasion mondiałe del torismo
Linganbi foresti[canbia | canbia el còdaxe]
- (inglexo, Łéngoa spagnoła, Łéngua fransexe, Łéngua rusa, Łéngoa araba) Sito ufisałe, so unwto.org. Sconosesta: inglexo, Łéngoa spagnoła, Łéngua fransexe, Łéngua rusa e Łéngoa araba (juto)
- World Tourism Organization (UNWTO) (canale ufisałe), so YouTube.
| Controło de autorità | VIAF (EN) 154696848 · ISNI (EN) 0000 0001 2298 3755 · LCCN (EN) n77011180 · GND (DE) 1053038-1 · BNF (FR) cb137713009 (data) · BNE (ES) XX127705 (data) · NLA (EN) 35805461 · NDL (EN, JA) 00761298 · WorldCat Identities (EN) n77-011180 |
|---|