Ongata Rongai

Da Wikipedia, l'ençiclopedia libara.
Jump to navigation Jump to search
Ongata Rongai
Ongata Rongai
distreto
Ongata Rongai – Veduta
Dati aministrativi
Stato Flag of Kenya.svg Kenya
Provincia Kajiado
Teritorio
Coordinae 0°52′00″S 36°25′00″E / -0.8666667, 36.4333333Coordinate: 0°52′00″S 36°25′00″E / -0.8666667, 36.4333333
Altitudine 1762 m s.l.m.
Abitanti 40 178 (2008)
Locałixasion
Mapa de locałixasion: Kenya
Ongata Rongai
Ongata Rongai
Mapa de locałixasion: Kenya
Ongata Rongai
Ongata Rongai
Sito istitusionałe


Ongata Rongai la xe na sitá keniana a sud de Nairobi. Ongata Rongai la fa parte del distreto de Kajiado, provincia de la Rift Valley. El nome maasai el vol dir pianoro streto. La sitá la xe costruia so n'altipian che el xe la fine de i altipiani Kaputiei verso le Coline Ngong.

Storia[canbia | canbia el còdexe]

Ongata Rongai la xe nata a la fine de i ani 1950 come on vilaggio de scavadori de piera. I primi abitanti, de etnia luo, i ga costruio on picolo vilagio - Kisumu Ndogo - a rente de la strada che colega Nairobi al Lago Magadi. La piera da costruxion la vegnea fora da le cave a sud do ancó se cata el quartier de Kware (da l'inglexe quarry, cava). Dopo de i luo, i kikuyu, kamba e maasai i se sa stabilio en te la zona e i ga costruio el sentro comerciale de Rongai. En te i ani '90, Ongata Rongai la xe diventá meta preferita de la clase media e alta che volea costruirse na casa fora da la cavedal. Ongata Rongai la xe cresuda en freta. El sotor de i servizi el xe rimasto ndrio. Aqua, scole, sanitá, i xe fornii da privadi o da le Cexe.

Demografia[canbia | canbia el còdexe]

A i so inisi, Ongata Rongai la gavea 500 abitanti. En tel 1990, la popolaxion la xera salia a 10 000. Ancó se stima na popolaxion de 200 000 persone. Anca se la xe costruia so el teritorio ancestrale de i maasai, de maasai ghe ne pochi. I grupi pi grandi i xe i kikuyu e i kamba, importanti minoranse le xe quele de i luo, luya, e de i embu. Tuti i grupi etnici del Kenya ixe rapresentá. A Ongata Rongai se cata anca on bon numaro de stranieri: tanzaniani, ruandexi, burundexi, ugandexi e sudanexi, par i paesi africani, italiani, todeschi e inglexi par i paesi occidentali.

Istituzioni[canbia | canbia el còdexe]

Il governo del Kenya el ga a Ongata Rongai l'uficio de sub-chief (vice capo). El capo de la zona el se cata a Nkoroi, 5 km a sud de Ongata Rongai. La caserma de la polisia la xe tra le pi grandi del distreto, seconda solo a quela de Ngong. L'uficio postale el xe stá verto en tel 1999. No ghe altri ufici governativi, che i ga sede a Kajiado. A Ongata Rongai se cata pi de 120 Cexe e sete de ispirasion cristiana. Le pi importanti le xe la Cexa Catolega (60 000 fedeli), presente co la parrocchia de Santa Maria (cexa, saloni, scola elementare), el centro medico de Fatima (ambulatorio, maternitá, casa per anziani, laboratori di ricerca medica) e ativitá sociali. La Cexa Anglicana (3 000 fedeli) con do parocchie e ativitá sociali. Le altre organizasioni religiose le xe picolete. A Ongata Rongai se cata de le scole inportanti. L'Universitá Nazarene, de ispirasione cristiana fondamentalista. La scola secondaria Olerai, de ispirazione metodista. La scola primaria (elementari e media) Saint Mary, catolega, tra le prime cento del paexe.