Ołocàusto

Da Wikipedia, l'ençiclopedia libara.
Infobox de AvegnimentoOłocàusto
Mass Grave at Bergen-Belsen concentration camp - Fritz Klein - IWM BU4260.jpg
TipoZenosìdio Cànbia el vałor in Wikidata
Data1941 Cànbia el vałor in Wikidata –  1945 Cànbia el vałor in Wikidata
LocałitàGerman-occupied Europe (en) Traduzi Cànbia el vałor in Wikidata
StatoZermània nazista Cànbia el vałor in Wikidata
Parte dePersecution of Jews (en) Traduzi Cànbia el vałor in Wikidata
Morti6 000 000 Cànbia el vałor in Wikidata
Fazesto daHolocaust in the Netherlands (en) Traduzi, The Holocaust in France (en) Traduzi, The Holocaust in Poland (en) Traduzi, Olocausto in Lituania (it) Traduzi, Olocausto in Lettonia (it) Traduzi, The Holocaust in Germany (en) Traduzi, The Holocaust in Belgium (en) Traduzi, The Holocaust in Russia (en) Traduzi, The Holocaust in Luxembourg (en) Traduzi, the Holocaust in Hungary (en) Traduzi, The Holocaust in Albania (en) Traduzi, The Holocaust in Belarus (en) Traduzi, The Holocaust in Bulgaria (en) Traduzi, The Holocaust in Bohemia and Moravia (en) Traduzi, The Holocaust in Croatia (en) Traduzi, The Holocaust in Czechoslovakia (en) Traduzi, The Holocaust in Chachersk (en) Traduzi, Olocausto in Estonia (it) Traduzi, The Holocaust in East Upper Silesia (en) Traduzi, The Holocaust in Greece (en) Traduzi, Olocausto in Italia (it) Traduzi, The Holocaust in Italian Libya (en) Traduzi, The Holocaust in Norway (en) Traduzi, The Holocaust in Serbia (en) Traduzi, The Holocaust in Slovakia (en) Traduzi, The Holocaust in the Independent State of Croatia (en) Traduzi, The Holocaust in the Sudetenland (en) Traduzi, The Holocaust in the Lublin District (en) Traduzi, The Holocaust in Ukraine (en) Traduzi e The Holocaust in Austria (en) Traduzi Cànbia el vałor in Wikidata


El tèrmano Olocàusto denòmena, partindo da ła seconda metà del XX secoło, el zenosìdio dei cuałi i zera stai responsàbiłi łe autorità de ła Zermània nazista e i so liai inte i confronti dei ebrei d'Eoropa e, par estension, el stermìnio de tute łe categorie de persone dai nazisti retegneste "indezideràbiłi" o "inferiori" par motivasion pułìteghe o rasiałi[1]. Oltre che ai ebrei, łe zera stae vìteme de l'Olocàusto łe popołasion slave de łe rejon ocupae inte l'Eoropa orientałe e inte i Balcani, neri eoropei[2], e anca prezonieri de guera sovièteghi, opositori pułìteghi, masoni, menoranse ètneghe[3] cofà rom, sinti e jenisch, grupi rełijozi cofà testimoni de Zeova e pentecostałi, omosesuałi, handicapai mentałi e/o fìzeghi[4].

Intrà el 1933 e el 1945, łe zera stae sirca 15-17 milioni łe vìteme de l'Olocàusto, de anbedó i sesi e de tute łe età (sensa vardar ansiani e putełi), intrà sti cuà 5-6 milioni de ebrei[5][6]. La paroła "Olocàusto" ła deriva dal grego ὁλόκαυστος (holòkaustos, "intieramente bruzà")[7], a so volta formada da ὅλος (hòlos, "tuto intiero") e καίω (kàiō, "bruzo"[8]) e ła zera inisialmente doparada a denomenar ła pì drita forma de sacrifiso prevedesta dal zudaismo[9]. L'Olocàusto, in cuanto zenocidio dei ebrei, el ze identifegà pì coretamente col tèrmano Shoah (in ebràego: שואה?, let. "catàstrofe, desfamento"[10]) che el ga catà ła so razon stòrego-pułìtega inte el difondesto antisemitismo secołare.

L'ełimenasion de sirca i du tersi dei ebrei de Eoropa[11] ła zera stada organizada e portada verso el conpimento da ła Zermània nazista mediante un conpleso aparà aministrativo, econòmego e miłitare che el ghea traesto-drento granda parte de łe struture de podere burocràteghe del rezime, co un desviłupo progresivo che el ga vesto scumìsio inte el 1933 co ła segregasion dei ebrei todeschi, e el zera ndà vanti, stendéndose in tuta l'Eoropa ocupada dal Terso Reich inte el ndar de ła seconda guera mondiałe, col consentramento e ła deportasion, tocando el so ponto pì baso dal 1941 col stermìnio fìzego co ła dòpara ecidi de masa sul teritòrio da parte de reparti speciałi, e soratuto in struture de stermìnio predisponeste aposta (canpi de stermìnio), inte el cuało atuar cueła che i nazisti i ghea denomenà sołusion finałe de ła cuestion ebràega[12]. No se cata fora inte ła istòria pusibiłità de paragon col copamento dei ebrei inte i sentri de stermìnio, sia par łe so dimension e sia par łe caraterìsteghe organizative e tècneghe inplegae da ła màchina de desfasion nazista[13][14][15][16].

Olocàusto e Shoah[canbia | canbia el còdaxe]

El tèrmano Olocàusto el definise orìzenariamente un tipo de sacrifiso de ła rełijon grega, ebràega e dei culti dei Cananei, andove cheło che el se sacrìfega el vien totalmente ardesto. Inte ła Tanakh, יolah el ze un tèrmano recorente[17][18], spesalmente inte l'ocazion de sacrifisi rituałi, de animałi copai e bruzai su l'altare del ténpio, par renovar ła liansa intrà Dio de Israełe e el pòpoło.

Inte el grego antigo (e de sevente inte el latin cofà holocaustum) sto tèrmano el denomenava un tipo de sacrifiso rełijozo inte el cuało el corpo de ła vìtema animałe, dopo del so sasìnio, ła vegnea conpletamente bruzada, cusita che nisuna parte comestìbiłe ła podese vegner dopo magnada. Sto rito rełijozo el zera metesto in pràtega inte łe èpoche antiga e arcàega sia inte el mondo grego sia in cueło ebràego cofà in altre siviltà de l'Àzia Menor.

Difondesto in vàrie łéngue romanze soło cofà tèrmano àulego, el divien un tèrmano frecuente inte el łénguajo zornalìstego britànego inte el ndar de ła seconda guera mondiałe par descrìvar łe grave pèrdite umane miłitari e siviłi. Dal 1943 i anbienti ebràeghi de léngua ingleze i dòpara el tèrmano par referirse al stermìnio dei ebrei in corso inte l'Eoropa continentałe.

Uno dei primi dòpari del tèrmano ołocàusto da parte de ła stanpa zenerałista ła se ga inte ła didascałia de na foto publegada inte el 7 de majo 1945 inte łe revista Life inte l'artìcuło "German atrocities" rełasionada al renvegnimento dei prezonieri copai inte el canpo de Gardelegen.

Da ła seconda metà del Novezento el tèrmano "ołocàusto" el ze entrà-parte del łénguajo comun par descrìvar el stermìnio sorbio dai ebrei de Eoropa e de consevensa par denomenar l'insieme de łe pułìteghe de zenosìdio de ła Zermània nazista de Adolf Hitler e dopo pì largamente anca par denomenar altri fenòmani de masacri o zenosidi de masa de larga scała.

Par via del signifegà rełijozo del tèrmano, racuanti, ebrei ma miga solché lori, i vede inapropià inplegasion de sto tèrmano in sto contesto[19], definindo ofensivo el paragon o asociasion del sasìnio de milioni de ebrei a na "oferta a Dio". El tèrmano Shoah (Shoah o Sho'ah)[20], el ze sta cusita sta adotà dal 1940 par descrìvar spesifegamente ła trazèdia ebràega de cuel perìodo stòrego. "Shoah" , signìfega "dezołasion, catàstrofe, dezastro".

Mecanismo del zenosìdio[canbia | canbia el còdaxe]

Na dona ansiana e racuanti putełi verso łe càmare a gas a Auschwitz

Le ełimenasion de masa łe vegneva conduzeste in magnera sistemàtega: łe vegneva fazeste liste detajae de vìteme prezenti, future e potensiałi, cusita cofà che ze sta catà-fora anca precize e curae rezistrasion de łe ezecusion.

Par de pì, grandi sforsi par catar magnere pì efisenti i ze stai metesti in pie inte el ndar de l'ołocàusto nazista, par ezénpio pasando da l'invełenamento co monòsido de carbònio dei canpi de stermìnio de l'Oparasion Reinhard de Bełżec, Sobibór e Treblinka, al dòparo del Zyklon-B de Majdanek e Auschwitz; càmare a gas che łe doparava monòsido de carbònio par i omisidi de masa łe vegneva doparai inte el canpo de stermìnio de Chelmno.

Zontàndose a łe ezecusion masive, i vegnea fazesti anca esperimenti mèdeghi sui prezonieri de tute łe età.

Notasion[canbia | canbia el còdaxe]

  1. L'OlocaustoUnited States Holocaust Memorial Museum.
  2. Serge Bilé, Neri nei campi nazisti, EMI, 2006.
  3. (EN) The Holocaust: Definition and Preliminary Discussionyadvashem.org. entrada il 22 de noviembre de 2014.
  4. Niewyk, Nicosia 2000, op. cit., pp. 45-52.
  5. Hilberg 1999, op. cit., p. 1198.
  6. Olocausto, le vittime e i prigionieri dei nazisti furono tra 15 e 20 milioniIl Sole - 24 Ore, 4 marzo 2013 (da uno studio dell'Holocaust Memorial Museum di Washington).
  7. Crónica del Holocausto, pág. 57; en ocasiones, se puede encontrar citado como término griego la forma ὁλοκαύτωμα (holokáutoma), compuesta de ὅλος (hólos) «todo», «totalmente», y de καῦσις (káusis), «cremación». Hay quienes suponen además que Holocausto podría también remitir al «ascendente» u ofrenda sacrificada y completamente quemada de algún antiguo sacrificio ritual bíblico. Para una discusión, ver Tracey R. Rich, "Qorbanot: Sacrifices and Offerings", Judaism 101, "Olah: Burnt Offering", 1998-2011; y "Burnt Offering", Jewish Encyclopedia, 1906 (accedidos 24 de octubre de 2013). Con todo, ello implicaría aplicar la acaso no muy oportuna asociación de que una vez retirados de la cámara de gas, los cadáveres de las víctimas usualmente se incineraban en hornos crematorios: tamaña asociación ha sido en general abandonada a raíz de que el Holocausto perpretrado por los nazis nada tuvo que ver con alguna ofrenda ritual ígnea de los tiempos bíblicos, sino que lisa y llanamente fue una enorme masacre étnica llevada a cabo en pleno siglo XX.
  8. Vedi Olocausto in Vocabolario Treccani online.
  9. (EN) Burnt offering, Jewish Encyclopedia. entrada il 15 gennaio 2013.
  10. Saul Friedländer el nòmena ła "Shoà"
  11. Molte fonti, fra le quali Frediano Sessi, Raul Hilberg e la distruzione degli ebrei d’Europa (PDF), introduzione alla prima edizione del libro di Raul Hilberg, Einaudi 1995 (archivià dal URL orizenałe il 26 giugno 2013).
  12. Hilberg 1999, op. cit., pp. 51-52.
  13. Hilberg 1999, op. cit., p. 975.
  14. Caratteristiche della unicità della Shoah secondo l'accademica e semiologa Valentina Pisanty in Abusi di memoria. Negare, banalizzare, sacralizzare la Shoah, Bruno Mondadori Editore, Torino 2012 ISBN 88-6159-652-5 [1]
  15. "Unicità" della Shoah secondo l'accademico Gadi Luzzatto Voghera (insegna Modern Italian History al Center for Italian and European Studies della Boston University a Padova e Storia dell'ebraismo moderno e contemporaneo all'Università di Padova e Università di Venezia, Copia archiviatameisweb.it. entrada il 24 novembre 2014 (archivià dal URL orizenałe il 3 settembre 2014). e [2]) in Linee interpretative nella storia della Shoah, pag. 33
  16. "Unica" è definita la Shoah anche dallo storico Michele Sarfatti (direttore del Centro di documentazione ebraica contemporanea di Milano [3]) in La Shoah in Italia. La persecuzione degli ebrei sotto il fascismo, Einaudi, Torino 2005, ISBN 978-88-06-17454-5 [4] Archivià il 19 maggio 2015 Data inte l'URL no conbazante: 19 de majo 2015 in Internet Archive.
  17. Si veda p. es. Levitico, Modeło:Cita passo biblico.
  18. Deiana 2005, op. cit., pp. 49-56.
  19. Giovanni De Martis, Olocausto, Shoah, memoriaolokaustos.org (archivià dal URL orizenałe il 3 febbraio 2009).
  20. Cf. Narrating the Holocaust.

Altri projeti[canbia | canbia el còdaxe]

Linganbi foresti[canbia | canbia el còdaxe]


Controło de autoritàLCCN (ENsh85061515 · GND (DE4073091-8 · NDL (ENJA01111326
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Ołocàusto&oldid=1086626"