Nightmare

Da Wikipedia, l'ençiclopedia libara.
Jump to navigation Jump to search
Sto articoło el xe scrito in padoan

Nightmare el xe un media franchise basà sol sàdego, cativo e icònego personajo Freddy Krueger, fato da na sèrie çinematogràfega de 9 film slasher, na ediçion a fumeti, dó videozughi e na mini-serie tełevisiva in 44 episodi. El film originałe el xe stà scrito da Wes Craven, pò ła saga ła xe ndà vanti graçie a altri registi che i g'ha mantegnùo i stessi mecanismi narativi del primo film. Craven el xe tornà a ła regia col sètimo episodio, che però el xe na stòria indipendente da cheł'altre.

Trama[canbia | canbia el còdexe]

El protagonista de ła intiera sèrie el xe Freddy Krueger, n'omo che ani indrio vanti de ła naraçion el copava putei de ła só çità in maniera feroçe inte na vecia fàbrica sbandonà. A ła fine el vien brincà da ła połiçia, ma parvia de na fałansa del zudexe el vien mołà. I genitori, intavanài, i deçide de risòlvare ła facenda da só posta e de coparlo dàndoghe fogo inte ła só casa. Tanti ani dopo Freddy el ritorna in forma de fantasma inte i insogni de i tosati de Springwood e el taca a coparli. Anpò, drio ła saga Freddy el catarà senpre calcuni che ghe inpedisse de completare i ati criminai.