Monitor

Da Wikipedia, l'ençiclopedia libara.
Jump to navigation Jump to search
Un monitor par computer co' display a cristàɫi ɫiquìdi (LCD).

El monitor par computer xe un dispoxitivo ełetrónego par la vixuałixasión de imàxeni, testo e video trasmesi in forma ełetrónega.[1] In Italia de łe vòlte el vien ciamà schermo, co' su alcuni pósti de łaór, cofà ufici e servisi, el xe anca ciamà videoterminałe.[2]

Caratéristeghe[canbia | canbia el còdaxe]

Display uxà come monitor in un stroméento de mexùra.
Un vècio monitor par computer co' schermo a tubo catódego.

In informadega el monitor cołegà a un computer vien considerà 'na periférega de usìda (output), ma se ga a dispoxisión ła funsión touch screen deventa anca 'na periférega de ingrèso (input), parchè ła pol svòlxer la funsión de tastièra informádega e mouse.[3] El pol èser cołegà al computer co' vari tipi de pòrta, łe pì difuxe xe ła VGA, DVI, HDMI e DisplayPort. El pol eventualmente èser dotà de otoparlànti par la riprodusión de l'audio o altre sòrte de conetóri e periféreghe, par exénpio ła pòrta USB o 'na webcam co' microfono.

Display[canbia | canbia el còdaxe]

Search ballonicon2.svg Par savèrghene de pì, vardarse ła voxe display.

El conponente prinsipałe de un monitor (a vòlte l'ónego) xe el display, overosìpia el dispoxitivo ełetrónego par la visuałixasión so cui vien xeneràe łe imàxene. In baxe a ła tenołoxìa uxàda ghe xe vari tipi de display, tra cui el tubo catódego, un mucio diramà in pasà. Ła tenołoxìa universalmente adotàda al 2019 xe quèła co' Schermo a cristałi łiquìdi o display LCD, a vòlte inpriopiamente ciamàda anca "LED" par l'utiłixo dei diodi LED in te l'inluminasiòn dadrìo.


Tipołoxìa e uxo[canbia | canbia el còdaxe]

Ghe xe vari tipi de monitor, uxà anca in contesti no stretamente informádeghi, co' funsión e caratéristeghe desconpàgne. Par exénpio ghe xe monitor utiłixà in te łe banche de regia dei centri de produsión e difuxión TV che xe fornìi de particołàri caratéristeghe de robustésa, interfasabiłità e trasportabiłità, o monitor par strumenti monitor medegałi, co' display[4] sia a cołóri che monocromatego e curva standard DICOM.


Existe inaxónta monitor dedicà a montùra de 'na granda tipołoxìa de strumenti, dai pìcołi schermi de visuałixasión e contròło de łi stroménti sientifeghi cofà sistemi anałíteghi, fixeghi e chimeghi, sistemi co' robot, de contròło in tenpo reałe de strumenti industriałi (varda monitoragio), fin ai monitor dedicà (in xenere dei senplici display) ai sistemi multimediałi e inserìi in prodoti di gran consumo quałi: console par pincionéti da scarsèła, navegadóri satełlitàri e in xenere in tuti quèłi strumenti che gà bixògno de un output a video.

Alcuni monitor pol avér anca un touch screen, e signífega un display interativo e sensibiłe a ła presión dei déi, in cui xe posibìłe desferensiàr l'asión svolxesta confòrme el grao de presión che se ga exersità o de particołàri movimenti dei déi.


Tełevixóri[canbia | canbia el còdaxe]

Ła maxór parte dei tełevixóri xe dotada de ingrèsi video e pol in alcuni anbiti svòlxer la fusnión de monitor. Par exénpio ła conesión HDMI, conpatibiłe par el sòło segnàłe video anca co' ła conesión DVI, raprexenta un ponte tra el mondo tełevixivo e quèło tełemátego; dónca un tełevixór che gabia ingrèso HDMI pol èser bon de svòlxer sia ła funsión de tełevixór che de monitor par computer.

  1. monitor. Lingambo vardà el 18 luglio 2017.
  2. videoterminale. Lingambo vardà el 18 luglio 2017.
  3. (EN) What is a Monitor?. 27 giugno 2017. Lingambo vardà el 18 luglio 2017.
  4. display. Lingambo vardà el 18 luglio 2017.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Monitor&oldid=887873"