Monarchìa Federałe

Da Wikipedia, l'ençiclopedia libara.

Na Monarchìa Federałe ła xe na fórma de governo fata da na federasion che a capo ghe xe un Sovran (Re, Regina, Prìnsipe, Sultan) al posto de èserghe un Presidente come inte łe Repùbliche Federałi.

No ła va mìa confuxa co l' union personałe de vari Stati parché in cûel caxo lì ogni Stato l'è na monarchìa independente da łe altre ma, par motivi difarenti , tuti quanti i ga ła stésa persóna come Re.

Par exenpio: el Cànada el ga ła stésa Regina del Regno Unìo ma tuti du i xe Stati independenti l'un da l'altro o sia ghe xe na union personałe; invese el Cànada, de suo, l'è divixo federalmente in vari teritori e comunità che parò łe fa capo al governo sentrałe federałe e donca se pol dir che el Cànada, de suo, el xe na monarchìa federałe.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Monarchìa_Federałe&oldid=982303"