Varda el testo de Memoria USB

[[Imàjine:SanDisk USB (cropped).jpg|thumb|Na ciave USB [[Sandisk]] Cruzer]]
Na '''ciave USB''' (anca '''ciaveta USB''', '''pena USB''', '''unità flash USB'''<ref>https://support.microsoft.com/it-it/windows/creare-supporti-di-installazione-per-windows-99a58364-8c02-206f-aa6f-40c3b507420d</ref> o in [[łengua ingleze]] ''USB flash drive'', o ''pen drive'') ła ze na [[memoria de masa]] portatiłe che se cołega al [[computer]] mediante ła [[Porta (informàdega)|porta]] [[USB]].

I dati i ze memorizài so na [[memoria flash]], tìpegamente de tipo [[NAND]], contenjestea al só interno. Ła capasità ła ze łimitada unegamente da ła fisesa de łe memorie flash doparàe, co'l costo par [[megabyte]] che'l crese rapidamente par alte capasità. Tanti modełi i despone de un oceło par parmetarghene l'inganso a l'aneło de un comun [[portaciave]].

== Storia ==
[[Imàjine:Usbkey internals.jpg|thumb|Na ciave USB priva de invogio esterno. A ze vizibiłi:<br>1) conetor USB <br>2) chip de zestion de'l protocoło USB<br>3) [[Piedin (ełetrònega)|pin]] par test industriałi <br>4) memoria flash<br>5) cuarso de l'[[osiłador]]<br> 6) [[LED]] de funsionamento <br>7) interutor par el bloco de ła scritura  <br>8) spasio par na segonda memoria flash]]
[[Imàjine:Windows To Go USB Drive.png|thumb|Ciave USB [[Windows To Go]]|link=Windows To Go]]
Łe ciave USB ad alta vełosità łe ga benefisià, fin da ła só prima aparision (inte l'ano [[1999]]) de incrementi costanti e senjifegadivi sia in vełosità de łetura/scritura, che in spasio de archiviasion, mentre el costo unidario par byte stocà el ze in continua diminusion.

[[Imàjine:USB-Bluetooth.JPG|thumb|Ciave USB co antena [[Bluetooth]]]]

Ła prima ciave ad alta vełosità rivada so'l marcà ła ze stà produzesta inte'l zenaro 2000 da ła [[Trek Technology]] de [[Singapore]]: el modeło el se ciamava ''ThumbDrive'' e ofriva 8 [[megabyte]] de spasio.<ref>{{cita web|https://www.corriere.it/tecnologia/cyber-cultura/cards/come-quando-sono-nate-11-invenzioni-tech-che-hanno-cambiato-nostre-vite/chiavetta-usb-singapore-2000.shtml|titolo=La chiavetta Usb: Singapore, 2000|accesso=26 settembre 2018}}</ref>

Al [[Consumer Electronics Show]] de [[Las Vegas]] [[2017]] ła [[Kingston Technology]] ła ga prezentà na ciave che grasie a ła capasità de 2 [[terabyte]] ła ecuivałe a ła pì capiente atualmente disponibiłe so'l marcà.  A se trata de'l modeło ''Kingston DataTraveler Ultimate Generation Terabyte (GT)'', che sfruta el standard [[USB#USB 3.1 (Super-Speed+)|USB 3.1 Gen 1]], capase de razonzer na vełosità masèma teòrega in scritura de 160 MB/s e in łeture de 240 MB/s.<ref>{{cita web|https://www.swzone.it/Kingston--arriva-la-chiavetta-USB-da-2-terabyte--43279.html|titolo=Kingston, arriva la chiavetta USB da 2 terabyte!|accesso=26 settembre 2018}}</ref><ref>{{cita web|https://www.hwupgrade.it/news/storage/kingston-presenta-una-chiavetta-usb-da-ben-2-tb_66465.html|titolo=Kingston presenta una chiavetta USB da ben 2 TB|accesso=26 settembre 2018}}</ref>

== Caratarìsteghe ==
Grasie a łe dimension reduzeste, a l'asensa de inafidabiłi mecanizmi mobiłi, a łe cresenti dimension de ła memoria e a ła só [[interoperabiłità]], ła ciaveta ła se ga afermà, suparando parsialmente i [[Compact disc|CD]] e i [[DVD]], cofà unidà prefarìa par el trasporto fìzego de dati. A se tenja parò in considarasion el fato che'l nùmaro de scriture che una [[memoria flash]] ła pol suportar no'l ze iłimità, sepur molto alto (oltra 100.000 sicli de scritura).

Tante marche de ciavete USB łe ga in catałogo łe varsion dotàe de picoła łeveta łaterałe che (cuando che ła ze asionada) ła inpedise ła scritura so'l dispozidivo.

Inte'l descargo e cargo de dati ła ciaveta USB ła ze el suporto co'l menor ingonbro e el pì vełose; ła porta USB ła ze par zonta capase de ałimentar ełetrègramente łe parifèreghe a baso consumo cofà łe ciavete, sensa nesesità de na autonoma fonte d'enerzìa, e ła ghe ne parmete el cołegamento/descołegamento sensa destùar el computer (łimitandose a seguir ła prosedura"''Remosion segura de l'hardware''"<ref>{{Cita web|url=https://www.informatica37.it/leggende-metropolitane-la-rimozione-sicura-dellhardware/|titolo=Leggende metropolitane: la rimozione sicura dell’hardware|sito=INFORMATICA 37 - Blog di Informatica e Nuove Tecnologie|data=2012-03-30|lingua=it-IT|accesso=2020-12-03}}</ref> da sistema operadivo).

== Funsionamento ==
El [[Protocoło de rede|protocoło]] par el trasferimento dei dati da'l computer a ła ciaveta, e viseversa, el ze un protocoło [[standard (informàtega)|standard]] denomenà [[USB|USB Mass Storage protocol]]. Tałe standardizasion ła ga incorajà l'incluzion dei driver de suporto inte'l [[file system]] łocałe da parte dei produtori de [[sistema operadivo|sistemi operadivi]] cofà [[Windows]], [[macOS]] e [[GNU/Linux]].

Inisialmente ła vełosità de łetura/scritura de ła memoria flash contenjesta inte łe ciavete ła jera tanto basa, "frenada" da ła reduzesta [[banda pasante]] de l'intarfasa  USB, che inte ła só varsion orizenałe, ła 1.1, ła ze de 12&nbsp;Mbit/s. Resentemente invese scuazi tute łe ciavete de nova costrusion łe dòpara łe pì vełose varsion 2.0 o 3.0, parfetamente retroconpatibiłe co ła varsion  1.1, e dotàe de na banda pasante respetivamente de 480&nbsp;Mbit/s e de 4,8&nbsp;Gbit/s.

A ze da presizar parò che ła vełosità no ła depende soło da l'intarfasa, ma anca da'l tipo de memoria flash doparada, e da l'eventuałe prezensa de microchip dedicài drento a ła ciaveta stesa. A ghe ze a 'sto propozito in comersio serte ciavete che łe contien un picoło [[microprosesor]] dedegà ad otimizar el proseso de łetura/scritura so ła  memoria flash. Oviamente ła major conplesidà de 'ste sołusion łe rełega par el momento 'sti "bołidi" ad un marcà profesionałe de fasa alta co ezigense spesìfeghe.

==Notasion==
<references/>

== Voze corełade ==
* [[Memoria de masa]] 
* [[Memoria a stato sołido]]
* [[MiniSD Card]]
* [[USB]]
* [[USB Killer]] 
* [[U3 (informàdega)]]

==Altri projeti==
{{interprojeto}}

[[Categoria:Hardware]]