Meg Ryan

Da Wikipedia, l'ençiclopedia libara.
Infobox de personajo Meg Ryan
Meg Ryan 2 Met Opera 2010 Shankbone.jpg
Meg Ryan al Metropolitan Opera House inte'l 2010
SitadinansaStati Unii de l'Amèrica
Nasimento19 de novenbre, 1961, Fairfield, (Connecticut)
MorteCànbia el vałor in Wikidata
SpozàDennis Quaid (1991, 2001)
Łéngue parlaeinglezo
Perìodo atività1981 Cànbia el vałor in Wikidata –
Ocupasion
  • atora, modeła, produtora sinematogràfega
Educà a
  • Università di New York
  • Università del Connecticut
  • Bethel High School
PartioPartio Democràtego Cànbia el vałor in Wikidata
Premi

IMDB: nm0000212 Allocine: 7555 Rottentomatoes: celebrity/meg_ryan Allmovie: p62388 TCM: 167809 TV.com: people/meg-ryan
Instagram: megryan Last fm: Meg+Ryan Musicbrainz: 7d12b91a-d7f3-4e08-b12e-83ec220d0534 Discogs: 2987945 Allmusic: mn0000405295


Meg Ryan, pseudònemo de Margaret Mary Emily Anne Hyra (Fairfield, 19 de novenbre, 1961), ła ze na atora, modeła e produtora sinematogràfega statunitense.

Carièra[canbia | canbia el còdaxe]

Çelebre par èsar ła protagonista de tante comedie romànteghe. Ze memorabiłe ła so intarpretasion de Sally Albright inte'l film Harry, ti presento Sally... de Rob Reiner, film co'l cuało ła ga otenjeso na candidatura ai Golden Globe par ła mejo atora inte un film comedia o muzegałe. Ła otien nantre do candidature ai Golden Globe respetivamente par i film Insonnia d'amore e C'è posta per te.

Biografia[canbia | canbia el còdaxe]

Fai de Susan Jordan (nasùa Duggan), ex insenjante de ingleze, atora, e diretora casting, e Harry Hyra, inenjante de matematega[1][2], cuando che ła jera picenina ła venjeva ciamà "Peggy" (cofà ła nona). I so zenitori ga divorsià cuando che èła ła gaveva 15 ani. Ła ga do sorèłe, Dana e Annie, ed un fradeło, Andrew.

Meg Ryan ła ze stà cresùa co insenjamenti catołeghi[3] e ła ga frecuentà ła Saint Pius X Elementary School a Fairfield, indove insenjava anca so mare. So mare ła Ryan ga łaorà in un spot publicitario e drìoman ła ga łaorà brevemente cofà diretor del casting a New York. Ła dona ga incorajà Meg a intraprendar ła carièra de atora e, grasie a łe conosense de ła mare, a l'età de 18 ani ła ga firmà el so primo contrato par el spot publicitario de un deodorante.

Ła se ga diplomà al Bethel High School inte'l Connecticut inte'l 1979, indove ła ze venjesta ełezesta anca rezineta de l'ano. Drìomnan ał ga studià zornałizmo a l'univarsità del Connecticut par po' trasferirse a cueła de New York, indove contenporaneamenteła ga posùo seitar a łaorar in alcuni spot tełevizivi. El suceso otenjùo co'l łaoro ghe ga parmetesto de abandonar i studi.

Primi łaori[canbia | canbia el còdaxe]

Ła ga ezordìo al sìnema inte'l 1981 co'l film Ricche e famose; drìoman, ła Ryan ła ga intarpretà el ròło de Betsy Stewart inte ła soap opera Così gira il mondo dal 1982 al 1984. Drìo de sta esperiensa ła ga łaorà in racuanti film par ła tełevizion, e ła ga avùo na parte inte l'horror Amityville 3-D, fin a otenjer na parte inte'l film del 1986 Top Gun, film de grandisimo suceso. Ryan drìoman ła ze aparìa in Terra promessa, indove ła ga otenjesto na nomination da ła Independent Spirit Awards. Daspò, Meg Ryan ła ga łaorà in do film de media inportansa D.O.A. - Cadavere in arrivo e Il presidio - Scena di un crimine.

El suceso[canbia | canbia el còdaxe]

Meg Ryan inte'l 2006

El suceso definitivo parò ze rivà inte'l 1989, cuando che ghe ze stà ofrìo el ròło de Sally inte ła comedia briłante Harry, ti presento Sally..., al fianco de Billy Crystal. Il film ga sbancà el boteghin, incasando noma che inte i Stati Unìi 90 milion de dołari, e ła so intarprestasion ga otenjesto na nomination par el Golden Globe. Ła performance de ła Ryan inte'l film ze partegołarmente recordà par ła sena indove ła simuła un rumorozo orgazmo in un ristorante. Daspò aver łaorà in The Doors e Doppia anima, entranbi discreti sucesi al boteghin, Nora Ephron (ła senejadora deHarry, ti presento Sally...), ła ga vołesta da novo co sé par el so novo film: Insonnia d'amore. Sta volta visin ad èła ghe jera Tom Hanks, co'l cuało ła gaveva za łaorà inte'l non fortunatissimo Joe contro il vulcano.

El film zera stà un suceso planetario de critica e pùblego e'l ze riusìo a incasar 230 milion de dołari in tuto el mondo e 125 milion soło inte i Stati Unìi. Ła performance ga dazesto a ła Ryan ła so segonda candidatura al Golden Globe. El gran suceso ga avùo parò de łe controindegasion. In chełi ani infati Meg Ryan ze stà soranomenà, co un malscondesto dispreso, "Ła morozeta d'Amèrega" da ła stanpa spesiałizà, che evidentemente no ła considerava in grado de andar oltra łe comedie romànteghe. Par sercar de cavarse de doso l'eticheta de "Morozeta d?Amèrega" Meg Ryan ga łaorà in Amarsi, un film dramàtego inte'l cuało ła intarpretava el ròło de na alcołizada. El film ze stà acoliesto ben da ła critica e ghe ga vałesto ła candidatura cofà mejo atora protagonista al Screen Actors Guild Awards, el prestijozo premio del sindacà dei atori.

Inte i ani sucesii ła ze tornà a ła comedia co French Kiss, che pur no risevendo grandi consensi de critica ga otenjesto boni riscontri al boteghin e 'l manco fortunà Genio per amore. Tra i ròłi dramateghi se recorda invese Il coraggio della verità, co Denzel Washington, che ga otenjùo otimi riscontri de critica e de pùblego. Manco fortunai invese Restoration e ła comedia Innamorati cronici co Matthew Broderick. Inte'l 1997, l'atora ga dopià ła protagonista inte'l film de anemasion Anastasia . Inte'l 1998 ła ga recità a fianco de Nicolas Cage inte La città degli angeli. Il film ga dividesto ła critica ma ga otenjùo un grando suceso al boteghin incasando 200 milion de dołari in tuto el mondo e 80 soło inte i Stati Unìi.

Sénpre del 1998 ze C'è posta per te, ła so tersa cołaborasion co Tom Hanks e co ła regia de Nora Ephron zera stà riconponesto el trio, che sincue ani prima gaveva decretà el suceso de Insonnia d'amore. El film ze stà promovesto da ła critica e ga avùo un enorme suceso al boteghin, co 250 milion de dołari incasai in tuto el mondo e 115 milion soło inte i Stati Unìi. Par ła so performance, partegołarmente apresada, ła Ryan ga otenjùo ła so tersa, e ad ancùo ùltema, candidatura al Golden Globe. Manco fortunà invese Bugie, baci, bambole e bastardi a fianco de Sean Penn e Kevin Spacey.

Notasion[canbia | canbia el còdaxe]

  1. Graham, Caroline. "Meg and Dennis: It's All Over" Archivià il 20 agosto 2001 in Internet Archive. You. Retrieved 30 June 2007.
  2. Meg Ryan Biography (1961-)
  3. Davidson, Sara. "Meg Ryan: Isn't She Romantic?" Reader's Digest. February 2002.


Controło de autoritàVIAF (EN74049344 · ISNI (EN0000 0001 0916 1108 · LCCN (ENn91050148 · GND (DE119306247 · BNF (FRcb14014113h (data) · BNE (ESXX1079133 (data) · NLA (EN35903255 · WorldCat Identities (ENn91-050148
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Meg_Ryan&oldid=1070211"