Meoła òsea
El meoła òsea o meoło òseo (talvolta co ła zonta de ła létara D medóło/a) ła ze un tesuto moło che el òcupa i canałi dei osi longhi e ła fasa sentrałe dei osi piati. Ła ze formada da un stroma (meoła òsea zała) e da un parenchima emopojètego raprezentà dai ełementi precursori de łe sèłułe emàteghe (meoła òsea rosa o tesuto miełòide). Ła meoła òsea ła ze anca na conponente ciave del sistema linfòide, produzindo i linfociti che i forma parte del sistema imunitàrio del corpo.
Zenerałità
[canbia | canbia el còdaxe]La tipołozia e ła madurasion de łe sèłułe emàteghe ła vària dipendindo de łe clase dei vertebrai ai cuałi se fa refarensa.
Inte i mamìfari, defarentemente che in altri organismi, i eritrociti i ze denucleai (o sia no i ze dotai de un nùcleo sełułare), e de consevensa i ze orizenai nesesariamente da un òrgano produtor.
Anatomia umana
[canbia | canbia el còdaxe]Tipi de meoła òsea
[canbia | canbia el còdaxe]Inte l'anatomia umana podemo reconósar du tipi de meoła osea: ła meoła rosa (costituia prinsipalmente da tesuto miełòide) e ła meoła zała (costituia soratuto da tesuto adipozo che ła ghene definise el cołore). Glòbułi rosi, piastrine e ła major parte dei leucociti i ze produzesti inte ła meoła rosa, racuanti leucociti i se desviłupa inte ła meoła zała. Anbedó i tipi de meoła òsea łe contegne na granda cuantità de vazi sanguigni.
Ła meoła òsea, al nasimento, el ze costituio totalmente da cueło de tipołozia rosa. Cresendo, granda parte del meoło òseo roso el vien convertio in meoła òsea zała. Ła meoła òsea rosa ła ghe ze prinsipalmente inte i osi piati cofà el crànio, vèrtebre, scàpołe, e inte el tesuto spugnozo de łe epifisi dei osi longhi, cofà el fèmore e l'òmero. Ła meoła zała ła ghe ze invese inte ła diafisi dei osi longhi.
Inte el cazo de na grave emorazia, l'organismo el ze bon de reconvertir ła meoła zała in cueła rosa, col fine de inalsar ła produsion de łe sèłułe del sàngue.
Stroma
[canbia | canbia el còdaxe]La stroma de ła meoła òsea ła ze tuto el tesuto che no el ze diretamente coinvolzesto inte ła funsion primària de ła meoła: l'ematopojezi. Al stroma el ghe partegne ła meoła zała (e ła ghene costituise ła major parte), co łe sèłułe stromałi che i łe ghe ze inte ła meoła rosa e i forma na spece de maja bastansa streta.
El stroma de ła meoła òsea ła ze formà da fibre e sèłułe del retìcuło che łe ga el fin de sostegno de ła parte ematopojètega de ła meoła, cusita cofà de prodùzar vari fatori de incresimento e desviłupo par l'ativasion de łe sèłułe projenitore produzeste inte ła parte ematopojètega.
Notasion
[canbia | canbia el còdaxe]
Altri projeti
[canbia | canbia el còdaxe]
Wikimedia Commons el detien imàjini o altri file so Meoła òsea
el detien schemi gràfeghi so
Linganbi foresti
[canbia | canbia el còdaxe]- (EN) bone marrowEnçiclopedia Britannica, Encyclopædia Britannica, Inc.
| Controło de autorità | LCCN (EN) sh85081538 · GND (DE) 4031332-3 · BNF (FR) cb11965361b (data) · NDL (EN, JA) 00566838 |
|---|