Manega (architetura)

Da Wikipedia, l'ençiclopedia libara.
Jump to navigation Jump to search
Sto articol al é scrit in belumat

Na manega la è na condota par al deflusso de aque piovane, fogne o scoli de 'l teren, che no la pol laorar in pression.

Tipologie costrutive[canbia | canbia el còdexe]

Al tipo tradižional al è costituì da 'n fondo de piere e cimento co do muret laterai. Par sora se met de le querte de piera. La evolužion de la tecnologia la à portà a er tubi de diversi materiai e de diversa sagoma secont la funžion che le à da er. In età romana žerte maneghe le gnea fate co tubi de piera monolitici, anca se la funžion de trasporto principal de le fogne la gnea fata da canai soteranei de grande dimension. In anbiente rural comunque à senpre vivest infin a qualche diesina de ani fa la manega fata de piere. Verso al 1700 te 'l Regno Unito è stat svilupà tubi de cimento o de altri materjai co na sežion ovoidal, in maniera da garantir senper an rajo idraulico otimal tant par la portata de le fogne fa par quela ocasional de le aque piovane. Te i ultimi 100 ani gnen doperà tubi de ghisa bisa (infin a 'l 1943) e de ghisa sferoidal (da 'l 1943). Se trata de tubi che i è abastanža resistenti a la corosion e i ciama spessor pitost pižoi. Al problema principal al è che no i è saldabili, sichè toca dontarli "a bicer" o a flangia. In seguito i è stat doperà anca tubi de aciaio, manco resistenti a corosion ma saldabili. Tant par far i tubi de ghisa fa quei de aciaio se dopera la centrifugažion, sichè ghe ol senpre controlarli par esser seguri che al diametro interno al sie costante. I tubi de cimento i pol esser de cimento armà senplice, de cimento armà preconpresso, Bonnà o de cimento rinforžà co fibre (es. de amianto). In ogni caso i pol resister a na žerta pression e i pol gner dontati a bicer, a batente o a manegot. La so rogna principal la è al peso e la conseguente fadiga da far durante la posa in opera. I tubi de materjal plastico i pesa poch e žerte olte i è anca saldabili, però i resiste poch a pression e i pol deteriorarse par colpa de sbalsi de tenperatura e sostanže chimiche varie. Par maneghe destinade a 'l trasporto de le aque luride se dopera anca al gres. Carateristica de žerti tubi de cimento e de plastica la è quela de er na serie de buss par assortbir l'aqua da 'l teren se al è saturo. Sti qua i gnen doperadi pì che sia par maneghe de drenajo.