Mažarol

Da Wikipedia, l'ençiclopedia libara.
Jump to navigation Jump to search

Al Masarol al è an personajo lejendario pisol, svelto, dispetoss e vestì de ross che 'l viu inte i bosch de la Provincia de Belun.

Lejende ligade a 'l Masarol e so interpretasion[canbia | canbia el còdaxe]

Se diss che se qualchiuni baleghea inte le peche de 'l Masarol no 'l sie pì bon de catar la via de casa.

Al Masarol al podaree interpretar na inpersonificasion de 'l Diaol (a proposito va recordà che de 'l Medioevo al ross al era al color associà a 'l mal). Pensandoghe sù polito, se pol domandarse: ma elo che quel coso che è caraterizà da tute ste robe?

  • Al è pisol
  • Al è ross
  • Al fa dispet
  • Se tu baleghea 'te le so peche no tu cata pì la via de casa

Che pode esser al vin?

Al Masarol come publicità[canbia | canbia el còdaxe]

Incoi son drio a ndarghe incontre a na rescoperta de le lejende nostrane, no tant da 'l punto de vista de tramandarle par intjer, ma pì che sia de doperarle a 'l scopo de far na promosion de 'l teritorio. Al è cossì che se pol catar in giro statuete de sera de 'l Masarol, la bira artigianal de 'l Masarol,... Qualche an inrio è nassest anca la cooperativa "Mazzarol" de le guide de 'l Parco Nasional de le Dolomiti Belunesi.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Mažarol&oldid=954360"