Màchina par scrìvar

Modeło de màchina par scrìvar Junior Premier dei ani 1930.

Ła màchina da scrìvar o màchina par scrìvar ła ze un dispositivo mecànego, ełetromecànego o ełetrònego, che gràsie a na union de botoni (ciamada botognera), co i vien schiciai, i inprime caràtari inte un documento, normalmente de carta. La persona che ła òpera co ła màchina da scrìvar ła se denòmena mecanògrafo o mejo datiłògrafo.

Le màchine da scrìvar łe ze stae instrumentasion indispensàbiłi inte i ufisi de tuto el mondo, cusita cofà par la letaratura, el cinema, el zornałismo, el teatro e calsìase atività che ła dimandase scrìvar partindo dal finałe del sècoło XIX e cuazi tuto el sècoło XX. inte ła década del 1980 i computer personałi i ghea renpiasà cuazi totalmente le màchine de scrìvar inte i paezi desviłupai e inte i paezi tecnołozegamente poco vansai invese el dòparo de ła scritura a màchina no ła ze stada intacada finmente al sècoło XXI.

Intrà łe conpagnie produtore de màchine da scrìvar e dei so acesori se ghe podea catar Adler-Royal, Canon, Brother, Nakajima, Olivetti, Olympia e Smith-Corona. Olivetti e Olympia łe ze stae łe ùlteme conpagnie osidentałi che łe ghea fabregà màchine par scrìvar mecàneghe.

Ła ùltema conpagnia dedicada a ła fabregasion de màchine par scrìvar, o sia ła indiana Godrej and Boyce, verzesta inte la dècada del 1950, ła ghea sarà ła so ùltema fàbrega a Mumbai inte el 2011. El 20 de novenbre del 2012 se ghea fabregà ła ùltema màchina da scrìvar manufaturada in Eoropa, concretamente inte ła fatoria de Brother inte el Wrexhamc in Gàłes, Regno Unio.

Altri projeti

Altri progetti

• Wikimedia Commons

• Wikimedia Commons el detien imàjini o altri file so màchina par scrìvar

Linganbi foresti

• (EN) typewriterEnçiclopedia Britannica, Encyclopædia Britannica, Inc.