Màchina da cuzir
La màchina da cuzir o màchina par cuzire, o, soratuto in contesto indùstriałe, cuzidora, el ze un'aparato mecànego o ełetromecànego doparà par unire mediante na cuzitura, stofe o pełe traerso del pasajo de uno o pì fiłi de coton o altri matèriałi co ła dòpara un ago osciłante in magnera alternada da alto verso baso.
Istòria[canbia | canbia el còdaxe]
L'invension de ła màchina da cuzire ła ze bastansa controversa: breveti par mecanismi boni de prodùzar cuzidure i zera stai depositai da Fredrick Wiesenthal inte el 1755, da Thomas Saint inte el 1790, da Barthélemy Thimonier inte el 1830 e da John J. Greenough inte el 1842.
I primi modełi i zera asionai a man: traerso de na leva picada al vołan, co ła man drita se produzeva el movimento de l'ago, de ła spagnołeta e l'avansamento par strasinamento del tesuto, mentre co ła man sanca se controłava ła so pozision e l'inderisamento.
De sevente łe màchine par cuzire łe zera stae a pedałe: ła movimentasion ła se otegneva co l'osciłasion de un pedałe, ponesto soto del tołin inte el cuało ła zera metesta sora ła màchina e che, ligà da na sénza, ła produzeva el movimento; anbedó łe man lje restava lìbare e de consevensa despunìbiłi par l'inderisamento del tesuto.
Oncó el movimento el ze produzesto da un motore ełètrego: el comando de asionamento de ła màchina da cuzire el ze dà da un pedałe che el vien schicià col pie o da na leva asionada col spostamento de lato del zanòcio.
Notasion[canbia | canbia el còdaxe]
Altri projeti[canbia | canbia el còdaxe]
Wikimedia Commons el detien imàjini o altri file so Màchina da cuzir
Linganbi foresti[canbia | canbia el còdaxe]
- (EN) sewing machineEnçiclopedia Britannica, Encyclopædia Britannica, Inc.
| Controło de autorità | LCCN (EN) sh85120545 · GND (DE) 4135461-8 · NDL (EN, JA) 00567720 |
|---|