Luo
I Luo i xe na fameja de grupi etnici che i vive inte l’Africa Orientale. I xe nilotici e i parla lengoe Nilo-Sahariane. I pi importanti grupi luo i xe: Shilluk, Acholi, Lango, Alur, Padhola, Jaluo, Bor.
Storia
[canbia | canbia el còdaxe]I Luo i xe popolasioni de origine nilotica. Za inte el 1.000 a.C. i sa stacà da la fameja de le popolasioni sudaniche e i sa portà inte la rejon a sinistra del Nilo e a destra del Bahr el Ghazal. En tel XIII secolo i ga scominsià a risalire el corso del Nilo e i sa disperso inte le rejoni che i ocupa ancò. Solo on grupo, i shilluk, el xe tornà ndrio par ocupar la zona dove i xe ancò. Le migrasioni de i luo le xe stà studia da el lengoista e etnolgo trentino Crazzolara, che el xera anca on misionario comboniano. La lengoa e altri aspeti culturali i xe stà studià da Crazzolara, Santandrea e altri. Quasi tuti sti studiosi i xera misionari, i primi binachi che i ga podù vivar in tel mezo de i luo. I luo i ga inglobà elementi lengoistici de le popolasioni che i ga incontrà inte le varie aree che i ga ocupà.
Luo de l’Uganda
[canbia | canbia el còdaxe]En tel nord de l’Uganda, i luo i ga dato vita a vari popoli: alur, acholi, e i lango. I lango i parla na lengoa luo ma secondo alcuni studiosi i no saria luo in origine, ma ateker (on grupo vegnù zo da l’Etiopia). Altri studiosi i dixe che i lango i xe luo ch ei ga lasà el Sudan prima de i acholi e co i sa ritrovà in Uganda i sa scontrà e mantegnu on level de inimicisia fin ancò.
Luo del Kenya
[canbia | canbia el còdaxe]En tel secolo XVII e XVIII, i luo i xe rivà ntorno al Lago Vitoria. In Kenya i se ciama jaluo, o anca solo luo. La loro lengoa se ciama dholuo. Sto grupo el xe diviso tra Kenya e Tanzania.
Curiosità
[canbia | canbia el còdaxe]En Kenya, i luo i xe considerà vanitosi e superficiali, boni solo de cantar e balar. Ma le anca vera che tanti leterati e scenziati kenyani i xe luo. Anca se i luo del Kenya e i alur de l’Uganda i xe stà separadi par quatro secoli, i xe oncora boni de capirse. I do grupi i condivide el 30% del vocabolario. Studiando le difarense del vocabolario se pol ricostruir el camin fato da i singoli grupi luo.
el detien schemi gràfeghi so
| Controło de autorità | LCCN (EN) sh2004005565 |
|---|