Lio Picoło

Lio Picoło xe na locałità de ła Laguna de Venesia, in intrà mexo del comun de Cavałin-Treporti. Ogni tanto a xe indicada come na isoła, anca se xe un mucio de isołoti separai da canai streti. El nome de Lio xe un termine locałe, al dì de ancuo in disuso, che voe dir lido. El nome latin Litus Minor, el serviva par distinguarla da ła visina Litus Maior, l'atual Lio Magior de Jexoło.

Se ghe riva da Treporti fasendo na strada un mucio panoramica, che a xe del tuto circondada da pałudi. Se trata de na locałità in prevałensa agricoła: intorno a ła cieseta dedicada a Santa Maria de ła Neve ghe spunta un par de edifici, mentre el paesagio se caraterisà da ła presensa de orti, dove se coltiva,e note castraùre (el primo germołio del articioco viołeto) e łe zizołe - co cuache cason isołà, intervałai da canałi, zone de barena e vałi da pesca.

Ga subio, co l'andar dei secołi, un mucio de mutasion teritoriałi, par i fenomeni de subsidensa e erosion marina.

Storia

L'origine de Lio Picoło xe parte integrae dell evołusion morfołogica de ła laguna de Venexia. Se crede, che ła locałità ła deriva, come gran parte del teritorio lagunar, dal continuo accumuło de detriti dei fiumi portai a vałe dai corsi de aqua che vegneva fora in sti luoghi ed in particołar, dal fiume Piave, vista ła so vicinansa. A questo se ghe aggiunge ła costante asion del mar che, atraverso łe maree e łe corenti marine, e gà contribuio a ła modełatura de ste tere.

Anca se Lio Picoło xe al dì de ancuo na locałità in prevaensa agricoła e poco popołada, e testimonianse archeologiche descrive el luogo come un fiorente scało comerciałe zà in epoca imperiałe romana, legà par vicinansa e coltura, a Lio Magior e Altin. Riferìbiłi a questo periodo xe i ritrovamenti, par metà sotto aqua, dei resti de do grandi case-emporio co richi pavimenti in mosaico.

E fonti storiche riferie all'XI e al XIII secoło, parla de un monastero, de na parocia dedicada al San Salvator e de n'altra Ceza dedicada a Santa Maria. Inte el steso periodo de Torceło e staltri centri de ła Laguna Nord, anca Lio Picoło inscominsia a decader verso el XIV secoło sora-de-tuto par el pegioramento de łe condizioni climàteghe e ambientałi. Indice de sto fenomeno, ła parocia xe stada sotoposta prima a queła de Lio Magior, e dopo, a queła de Torceło.

Dal XV e gran parte del XVII secoło no se gà altri riferimenti storici, probabilmente parché ałora ła località a iera abandonada del tuto.

ła Vien indicada dopo in na mapa del 1692, dove se vede tereni agricołi de proprietà del monastero de San Giovani Batista de Muran e na casa cołonica. Inte el 1696 xe confermà el reinsediamento co na costrusion de na Ceza dedicata a ła Madona de ła Neve, costruia sułe rovine de ła Ceza de Santa Maria. Questa ultima, dedicada dopo al Rosario, a San Domenico e a San Francesco, inte el 1711 fu visitada dal vescovo de Torceło Marco Giustinian. Divenutada proprietà de nobiłi Boldù, inte el 1791 questi ghe ga costruio l'attual Ceza ridedicada a Santa Maria de ła Neve e i gà fatto restaurar el visin pałaso (el pałaso Boldù) risałente a ła fin del Siexento. El centro fiorì danovo co l'apertura de ła salina de San Felice. ła visita del patriarca Angelo Ramaxoti inte el 1860 ghe dà inixio anca al'ampliamento de ła ciesa, co ła costrusion de ła canonica e del campaniłe (1911). Inte el 1951 divene adiritura parochial, ma pochi ani dopo el centro reinscominsiò a decader: ła stesa Ceza diven sucursal de ła SS. Trinità de Treporti e a vien infin serada parché pericołante.

Inte el 2008 xe stai terminai i lavori de manutension e mesa in sicuresa del Pałaso Boldù e de ła ciesa, infin anca el restauro completo del campaniłe.

Gałeria de imaxeni

• 
  Pałaseto Boldù inte ła piaseta de Lio Picoło.
• 
  Targa de fondasion de ła Ceza de S. Maria de ła Neve.

Bibliografia

• [[|]]Carlo Alvaro Cuchetti, Antonio Padovan, Salvatore Seno, La storia documentata del Litorale Nord, Editrice Armena, Venezia, 1976

Voxi corełae

• Amiana
• Equiłio
• Lio Magior
• Venexia (region)
• Storia de ła Republica de Venexia

• el detien schemi gràfeghi so