Letters from Iwo Jima

Da Wikipedia, l'ençiclopedia libara.
Jump to navigation Jump to search
'Sto artìcoło el 'é scrito doparando ła grafìa dita DECA
Letters from Iwo Jima
Lengua orixenałe giaponeze e ingleze
Paexe produtor USA, Giapon
Ano 2006
Durata 140 m. minuti
Cołore cołore
Audio
Raporto 2,40:1
Xenere guera, dramatego
Regia Clint Eastwood
Sojeto Iris Yamashita, Paul Haggis
Senegiadura Iris Yamashita
Produtor Clint Eastwood, Steven Spielberg, Robert Lorenz
Caxa de produsion Warner Bros., DreamWorks SKG, Malpaso Productions e Amblin Entertainment
Fotografia Tom Stern
Montajo Joel Cox
Mùxiche Kyle Eastwood, Michael Stevens
Interpreti e personaxi


Letters From Iwo Jima el ze un film de’l 2006 dirizesto da Clint Eastwood, che’l conta de ła bataja de Iwo Jima inframezo ła seconda guera mondiałe da’l ponto de vista de l’ezèrsito japoneze.

El film el va a paro co Flags of Our Father, senpre de’l steso rejista, che el consìdara parò ła stesa bataja da’l ponto de vista de łe trupe meregane. El film el ze tirà fora da’l romanzo Picture Letters from Commander in Chief de Tadamichi Kuribayashi.

El film el ze jirà scuazi par intiero in łengua japoneze(parò ła produsion ła ze de i Stati Unidi) e el ze stà sparpanjà co i sototìtołi.

Letters from Iwo Jima e Flags of our Fathers i raprezenta un omajo che Eastwood el gà vosùo dedegare a i morti de tuti do i schieraminti.

Trama[canbia | canbia el còdexe]

2005. Un grupo de archeòłoghi japonezi che i ze drìo scavare inte i covołi de l’ìzoła de Iwo Jima, i cata na saca miłitare soterada inte ła sabia.

1944. El Zenerałe Tadamichi Kuribayashi el vien mandà a comandare el continzente japoneze so l’ìzoła de Iwo Jima, ndoe che ła se ga da poco spostà ła łinea de’l fronte dopo ła pèrdita de i domini japonezi inte’l sud de’l Pasìfego.

Inte’l continzente A ghe ze racuanti soldài zòvani, rołài a majoransa beła granda co ła forsa e co njauna espariensa de conbatimento; in mezo a stì chive A ghe ze el soldà Saigo, un zóvane panaro che el gà łasà a caza ła mojer insinta, e Shimizu ex menbro de’l Kempeitai mandà a’l fronte parché retenjùo codardo e dizertore.

Premi[canbia | canbia el còdexe]

  • 2006 Los Angeles Film Critics Association Award
  • 2006 Chicago Film Critics Association Award
  • 2006 National Board of Review Award
  • 2007 Premio Oscar
  • 2007 Golden Globe
  • 2007 Broadcast Film Critics Association Award
  • 2007 Kansas City Film Critics Circle Award
  • 2007 David di Donatello
  • 2007 Nastro d'arzento

Cołegaminti esterni[canbia | canbia el còdexe]