Letore de còdeze a bare
Letore de còdeze a bare | |
|---|---|
  |
El łetor de còdaze[1] a bare el ze un stroménto bon a łèzer un còdaze a bare.
Descrisión
[canbia | canbia el còdaxe]Ła tecnołozia prevałente in cuanto più crèta e econòmega ła dòpara uno o più razi łazer (inte i łetori fisi abinà a una o pì testine che scantina e in tałuni cazi a un sistema de spèci) al fìn de moltiplegar i cantón de łetùra de'l còdaze stanpà int'un ojeto. Ghe ze anca dei łetori pì econòmeghi (sołitaménte cuełi che A se se porta drio) che i dòpara na bara de LED par iłuminàr i còdazi a bare e on sensór CCD (Charged Coupled Device). A se otien cusì dispozidivi pì łezieri e pì rezistenti che parò i gà da èser menà scuazi a contato co i còdazi a bare da łèzer, a curta distansa e perpendegołarmente o scuazi.
Łe tecnołozie pì resente łe parmete ła łetùra de'l còdaze a bare conprando na imàzene fornìa da un sistema video. 'sto cuà, co l'apozito software, el parmete de "fotografàr" l'ojeto, reconóser inte ła soméja el còdaze a bare da łèzar e drìoman darghe na interpretasión. 'Sta tecnołozia ła ze asà diramàda inte ła mazor parte dei moderni smartphone par łèzer còdaze a bare 2D che i ìndega i łighi de siti web e anca par i sistemi de pagamento (racuante volte i ze doparà anca inte i karaoke).
Come che'l funsiona
[canbia | canbia el còdaxe]Tałi łetori i remarca na serie de bare sołitaménte fin a 13 bare, e i ciapa i dati rento e łi trasforma in informasion dizitałe par i programi opur par i sistemi de casa (Come par ez. supermarcà). I dati i vien rancurà via Bluetooth, in manièra direta, via USB, o via Wireless. Un scanner Bluetooth el pol łèzar i còdazi a na distansa de 10 metri.
Come che'l se dòpara
[canbia | canbia el còdaxe]I ze doparà asé inte i ezersisi comersiałi: onji caza ła ga un łetor fiso che, fato zbrisàr so'l còdaze a bare stanpà diretamente so'l prodoto o so ła só confesión, el determina ła descrision e el preso de'l prodoto istéso in baze al spesór de łe bare e al spasio tra de łòre. A ze desponibiłi nantri despozidivi sìmiłi, cofà łe pene òteghe, che łe ze ùtiłe in cazi inte i cuałi A sipia nesesaria na majorstabiłidà.
Notasion
[canbia | canbia el còdaxe]- ↑ sevente altre varianse e grafie anca còdeze, còdaxe e codaxe
Voze łigàe
[canbia | canbia el còdaxe]
Wikimedia Commons el detien imàjini o altri file so Letore de codaxe a bare
