Laburnum anagyroides

Da Wikipedia, l'ençiclopedia libara.
Ègano
[[File:Laburnum anagyroides.jpg|frameless|center|260x300px]]Laburnum anagyroides
Clasifegasion sientìfega
RegnoPlantae
ClaseMagnoliopsida
FamejaFabaceae
SotofamejaFaboideae
TribùGenisteae
ZènaroLaburnum
SpeceL. anagyroides
Nomenclatura binomenałe
Laburnum anagyroides
Medik., 1787


Na pianta de ègano
Laburnum anagyroides

Ł'ègano (nome sientifego Laburnum anagyroides) el xe na pianta de ła fameja de łe Fabaceae. In todesco se dixe Goldregen, in inglexe laburnum, in italian maggiociondolo. Sta pianta, alta fin a 5 - 6 metri, ła ga, come carateristega, graspi longhi 30 cm de fiori (40 par graspo) xałi oro. Sti fiori, fati a farfała, i xe grosi presapoco do çentimetri e i vien fora intrà apriłe e lujo. In lujo maùra i fruti, ke i pare fasoj de cołor verde scuro - maron, co drento fin a disdoto semense more. Ł'ègano vien doparà come pianta ornamentałe inte i giardini, ma el legno, xało - maron, el xe duro e rexistente e bon par far pałi, lavori de carpenteria e anca par esare bruxà.

Alkałoidi deł'ègano[canbia | canbia el còdaxe]

In spece łe semense, ma anca łe altre parti de ła pianta, łe ga drento dei alkałoidi: citixina, N-Metilcitixina, laburnina e laburnamina. Ste sostanse xe ła raxon deł'invełenamento da ègano.

Fiori de ègano

Invełenamento da ègano[canbia | canbia el còdaxe]

Inteł'omo, ma no inte el conejo, ntel lievore e inte el cervo, i alkałoidi deł'ègano i intòsica i gangli sinpàteghi del sistema nervoxo , in maniera ke ghe someja ała nicotina, visto ke i se liga ai stesi recetori: prima stimołando e dopo portando ała paràłixi. I sintomi i xe: sgrìxołi, forte traspirasion, giramenti de testa e mal de testa 'nteła prima faxe, parałixi e arèsto del respiro 'nteła seconda. Par fortuna inte i òmeni ł'intosicasion ła xe acuta e ła fa vomitar tuto subito, di modo ke no se va avanti coł'asorbimento dei alkałoidi e tuta ła serie de disastri ke gavemo visto prima.

Controło de autoritàGND (DE4277244-8
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Laburnum_anagyroides&oldid=1051851"