La Gazzetta dello Sport

Da Wikipedia, l'ençiclopedia libara.
Jump to navigation Jump to search
'Sto artìcoło el 'é scrito doparando ła grafìa dita DECA
Ła testada de La Gazzetta dello Sport

La Gazzetta dello Sport, conosua popołarmente come Ła Gazeta de’l Sport, ła ze un cotidian sportivo itałian, co sede a Miłan. El ze el terso cotidian itałian par difuzion, ma anca el primo cotidian sportivo de'l Paeze e cueło co ła pì łonga tradision de ła Eoropa inte'l só jènare. El só slogan el ze, da‘l 9 marso 2008, “Tutto il rosa della vita” (Tut el roza de ła vita). De doménega ła vien fora come La Gazzetta Sportiva, popołarmente conosua come Ła Gazeta Sportiva.

Storia[canbia | canbia el còdexe]

Łe orìzeni[canbia | canbia el còdexe]

Inte i ani Otanta de‘l XIX sègoło a Miłan el sport el taca a deventar na atività popołare. Ła zente ła se apasiona pì che altro de bisicreta, cavałi e corsa a pìe. Łe pubregasion sportive de chel’època le ze par ła gran parte spesiałìsteghe.

El cołor roza[canbia | canbia el còdexe]

Ła idèa de stanpar ła Gazeta so carta bianca normałe ła dura sol che un meze. A ła fine de l’ano 1898 el jornal el ghe dize a i łetori el canbio de cołori de łe pàjine: da‘l verdo a‘l roza. Ła noveła ła vien comunegada a i łetori so'l nùmaro de'l 27 de desenbre 1898 co un tìtoło a tuta pàjina, el primo de ła storia de'l jornal. El novo cołor el vien doparà par ła prima olta el 2 zenaro 1899. El roza el se inpone suito e’l deventarà el sìnbol destentivo de‘l jornal.