Kumo
 | ||||||||||||||
Pianta di Carum carvi |
||||||||||||||
| Clasificasion sientìfega | ||||||||||||||
| ||||||||||||||
| Nomenclatura binomiałe | ||||||||||||||
| ''Carum carvi''
L., 1753 |
El kumo (nome sientifego Carum carvi) ła xe na pianta deła fameja dełe Apiaceae. In todesco se dixe kümmel, in inglexe caraway, in tałjan cumino dei prati, da no confondare col cumino e basta (nome sientifego Cuminum cyminum), che la xè n'altra pianta che ghe someja. Ła xe na piantina ke riva a 40–60 cm, con fojete divise fine fine come penete; i fioreti i xe bianchi o rosa, i fruti i xe picołi, de do miłimetri.
El kumo in cuxina[canbia | canbia el còdexe]
I fruti (i xe fruti, no semi) del kumo vien doparà tanto 'ntela cuxina ebrea (Yddish), todesca, scandinava e deł'Eoropa orientałe. El vien meso 'ntel pan, 'ntełe torte, 'ntel goulash, 'ntei capusi. In Islanda el distiłado de kumo xe el likore nasional, in Rusia e in Germania vien doparà par far graspe e supe. Anca da nialtri el kumo vien meso 'nteła graspa e se ghin fa anca un distiłado. A parte questo, nialtri magnemo anca el kumo col rixo (rixi e kumo). Anca i crauti i vien boni con un poco de kumo meso drento.
