Carum carvi

Da Wikipedia, l'ençiclopedia libara.
Cumo
Carum carvi - Köhler–s Medizinal-Pflanzen-172.jpg
Pianta di Carum carvi
Clasifegasion sientìfega
RegnoPlantae
ClaseMagnoliopsida
FamejaApiaceae
SpeceC. carvi
Nomenclatura binomenałe
''Carum carvi''
L., 1753


El cumo (nome sientifego Carum carvi) ła xe na pianta de ła fameja de łe Apiaceae. In todesco se dixe kümmel, in inglexe karaway, in italian cumino dei prati, da no confondare col cumino e basta (nome sientifego Cuminum cyminum), che la xe n'altra pianta che ghe someja. Ła xe na piantina che riva a 40–60 cm, co fojete divise fin fin come penete; i fioreti i xe bianchi o rosa, i fruti i xe picołi, de do miłimetri.

Semi de cumo

El cumo in cuxina[canbia | canbia el còdaxe]

I fruti (i xe fruti, no semi) del cumo vien doparà tanto inte ła cuxina ebrea (Yddish), todesca, scandinava e deł'Eoropa orientałe. El vien meso inte el pan, inte łe torte, inte el goulash, inte i capusi. In Islanda el distiłado de cumo xe el licore nasional, in Rusia e in Germania vien doparà par far graspe e supe. Anca da nialtri el cumo vien meso inte ła graspa e se ghin fa anca un distiłado. A parte questo, nialtri magnemo anca el cumo col rixo (rixi e cumo). Anca i crauti i vien boni co un poco de cumo meso drento.

Controło de autoritàGND (DE4165876-0
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Carum_carvi&oldid=1036534"