Juto:Guida esensiałe/Modifegare
Inisio · Modifegare na pajina · Formatasion · Gestion de i link · Discusion · Linee guida · Rejistrasion · Namespace · Aprofondimenti
 – Sporteło informasion
|
Modifegar łe pajine
[canbia | canbia el còdaxe]Scumision examinando ła carateristega pi inportante de wiki: modifegar el testo. Fora che pochisime pajine che no se pol tocar, ogni pajina de Wikipedia ła ga na łengueta par sora co ła scrita "modifega". El xe un link che permete de far propio quel che'l dis, che saria modifegar ła pajina che te si drio vardar. Siti internet cofà sto qua, dove che ognun pol modifegar quałunque roba, i xe conosui come wiki. Prova! Verxi sta pajina qua: Pajina de łe prove, e struca sul link modifega. Te vedarè el testo contegnu su ła pajina: scrivi calcosa e dopo salvało: te podarè vedar suito el rexultato. Te catarè altre spiegasion su come modifegar łe pajine lexendo Come se modifega na pajina: te pol verxarla su na finestra nova, e intanto 'ndar vanti co sto tutorial.
Ogni volta che te vorè far prove de quałunque sort, te podarè farlo senpre su ła pajina fata aposta, cioè ła Pajina de łe prove.
Mostra l'anteprima
[canbia | canbia el còdaxe]N'altra funsion inportante che te pol uxar da suito ła xe Vixuałixa anteprima, che ła te fa vedar el rexultà de łe modifeghe che te ghè fat sensa salvar ła pajina na volta par tute. Prova a modifegar ła pajina de łe prove, e dopo fa clic sul boton Vixuałixa anteprima. Dato che se pol sbałiar tuti, sta funsion qua ła permete de sistemar i sbałi suito sensa che i sia riportai su ła pajina vera e propia vixuałixada da i utenti, sparagnando cusì tenpo e fadiga sia a ti che a che altri wikipediani. Par de pi, l'anteprima ła te consente anca de canbiar ła formatasion de ła pajina prima de salvarla, finché no te par che ła sia justa. Bituarse a uxar l'anteprima xe inportante spesalmente co te pensi de far pi modifeghe drio man, soratuto de poco conto, parché sia pi ciara e consultabiłe ła cronołoxia de ła pajina. Se invese te modifeghi parti grande de testo, serca de farlo in pi pasi drio man (par exenpio modifegando e salvando na sesion par volta), de modo che che altri i posa seguir pi façilmente 'l andamento de łe to modifeghe. Salvar na sesion par volta el xe anca un modo pa' evitar i confliti de edision, che i capita co do utenti i serca de modificar ła stesa pajina inte el steso tenpo.
Modifeghe minori
[canbia | canbia el còdaxe]Se te ghè fat log-in come utente registrà, te pol indicar che łe modifeghe che te si drio far łe xe minori sełesionando ła caxeła apoxita su ła pajina de modifega prima de salvar. Sto fato qua el serve par mostrarghe a che altri utenti che łe modifiche che te ghè fat no łe xe de sostansa. No ghe xe regołe precixe par decidar se na modifega ła sia da considerarse minore o no; de seguro minori łe xe łe coresion ortografeghe e i ritochi de formatasion (par esempio, xontar un wikilink o un spasio). In poche parołe, canbiar 'l aspeto visivo xe speso na modifega minor, invese canbiar el contenuto tendensialmente no: comunque, se te ghè dei dubi no sta sełesionar el box. Par na spiegasion pi precixa, te pol lexar cua.
Ogeto de ła modifega
[canbia | canbia el còdaxe]Prima de strucar Salva ła pajina, sarìa na bona roba xontarghe un comento de riasunto de łe modifeghe fate inte el campo Ogeto, che te pol vedar tra ła finestra de modifega e i boton de vixuałixasion anteprima e salvatajo. El comento el pol esar anca curtisimo: par exenpio, se te ghè solche trasformà na paroła in un wikilink, te pol scrivar "wikilink". El contenuto che te ghè mes dentro el juta che altri a capir se łe coresion łe xe minime opure de sostansa.
Ades se pol ndar vanti esaminando in breve ła formatasion.