Ixòtopo

Da Wikipedia, l'ençiclopedia libara.
Va a: navigasion, serca

I ixòtopi (let. 'ntel steso posto) i è varianti de un steso eleménto chìmico che i ga un nùmaro de masa difarente par via che i à na masa atòmica difarente, ma i à el steso nùmaro atòmico e i sta tuti 'ntel steso posto de ła tabeła peròdica dei ełeminti. 'Sta diferensa de masa l'è dovùa al fato che 'ntel nucleo de l'àtomo gh'è un nùmaro de neutruni difarente seben che ła quantità de protuni ła sipia senpre ła stesa.

El nome ixòtopo l'è stà creà 'ntel 1913 da Margaret Todd, na dotorésa scoséxe, durante na ciacołada col chìmico Frederick Soddy che 'l s'avéa inacorto che serti ełeminti i paréa ocupar tuti quanti el steso posto de ła tabeła periòdica seben che i fuse difarenti fra de łuri riguardo serte propietà.