Insidente del golfo del Tonchin

Insidente del golfo del Tonchin
Guera del Vietnam
	;
Tipo	bataja navałe
Epònemo	Golfo de Tonkín
Data	2 de agosto del 1964
Liogo	Golfo de Tonkín
Schieraminti
Vietnam del Nord	Stati Unii de l'Amèrica; Vietnam del Sud
Comandanti
Le Duy Khoai	George Stephen Morrison
Efetivi
4 motosiłuranti	1 portaèrei; 1 caciatorpediniere; 4 càcia navałi
Pèrdite
3 motosiłuranti danejai; 4 morti; 6 ferii	1 caciatorpediniere danejà; 1 càcia navałe danejà

L' insidente del golfo del Tonchin (in vietnamita Sự kiện Vịnh Bắc Bộ, in ingleze USS Maddox incident o Papalousa incident) el ze un insidente gavesto inte el ndar de ła guera del Vietnam inte el golfo del Tonchin inte el 2 de agosto del 1964, che el ga cofà sentro el sucéderse de un scontro aeronavałe intrà un caciatorpediniere statunitense e racuante motosiłuranti nordvietnamite cusita cofà de un ataco mai avegnesto che parò i Stati Unii i sostegnea che el ghe fuse sta du dì dopo, inte el 4 de agosto del 1964, inte el contesto del conflito.^[1]

Secondo el rendiconto american l'èzito del scontro el ze sta de cuatro marinari del Vietnam del Nord copai e sie ferii, mentre no łe ghe zera stae vìteme intrà i marinai dei Stati Unii.^[2] La consevensa de sti insidenti ła ze sta un casus belli che el presidente statunitense Lyndon B. Johnson el ghea desfrutà par dimandar ła Resołusion del golfo del Tonchin, inte el 7 de agosto del 1964, al Congreso american, in magnera da otegnere l'autorità de atacar el Vietnam del Nord, sensa formałe declarasion de guera.^[3] El tuto el se ghea vesto inte el ndar de ła presidensa de Lyndon B. Johnson.